Ndotja fshin përfitimet e ecjes, shpreh një studim i ri. Studiuesit nga “Imperial College London” zbuluan se ajri toksik në qendrat e qytetit pengon efektet pozitive në mushkëri dhe zemër të cilat zakonisht fitohen nga stërvitja. Megjithëse eksperimenti u zhvillua në moshat 60 vjeçare, shkencëtarët thonë se efektet mund të ndihen edhe tek grupet e tjera dhe kanë bërë thirrje për të kufizuar stërvitjen në zonat me trafik të rënduar. Këshillohet stërvitja ne vendet e gjelbërim.
Si u krye studimi
Për të përcaktuar ndikimin e ndotjes në stërvitje, studiuesit i kërkuan 119 njerëzve që të bënin një shëtitje dy orëshe përmes Hyde Park në Londër dhe Oxford Street, një zonë tregtare.
Nivelet e karbonit, dioksidit të azotit në Hyde Park ishin brenda kufijve të shëndetshëm, por ajri në Oxford Street ishte jashtë niveleve normale të ndotjes, së përcaktuar nga Organizata Botërore e Shëndetësisë.
Studiuesit zbuluan se nga një shëtitje në park, mushkëria e njerëzve që u stërvitën atje u përmirësua ndërsa nga stërvitja në Oxford Street nuk u vu re asnjë përfitim.
Po ashtu, rritja e qarkullimit të gjakut që zakonisht lidhet me stërvitjen, praktikisht mungonte tek ata që ecnin përgjatë rrugës Oxford. Arteriet e personave që ecën në park u përmirësuan me 4.6%.
“Këto zbulime janë të rëndësishme përsa u përket shumë njerëzve, siç janë të moshuarit ose ata me sëmundje kronike, pasi shumë shpesh ushtrimi i vetëm që mund të bëjnë është ecja”, tha Fan Chung, profesor i mjekësisë respiratore dhe shef i studimeve eksperimentale tek “Instituti kombëtar i zemrës dhe mushkërive” në Kolegjin “Imperial” në Londër.
“Ne ju këshillojmë të gjithëve të ecin në hapësirat e gjelbërta, larg zonave të banuara dhe ndotjes nga trafiku”, shpehen ekspertët.
Studimet e mëparshme kanë zbuluar se shkarkimet e gazrave të naftës, janë shoqëruar me një rritje të rrezikut të sëmundjeve kardiovaskulare dhe vdekjes dhe mund të shkaktojnë përkeqësimin e sëmundjeve të rrugëve të frymëmarrjes, si astma. Është vlerësuar se ndotja është e lidhur me 40000 vdekje të parakohshme në Britani çdo vit, dhe qeveria është zotuar të ndalojë shitjen e automjeteve me naftë deri në vitin 2040, të cilat janë një kontribues i madh ndaj toksinave urbane.
Sidoqoftë ne e dimë nga studimet e tjera se për shumicën dërrmuese të popullsisë përfitimet e çdo aktiviteti fizik janë më të mëdha se çdo dëm që shkaktohet nga ndotja e ajrit përveç rasteve kur kemi të bëjmë me përqendrime ekstreme të ndotjes së ajrit. Është e rëndësishme që njerëzit të vazhdojnë të ushtrohen.
Lexo edhe:
Femijet dhe rreziku i alergjive ne shkolle
')}
Për të lënë një koment ju duhet të jeni regjistruar Identifikohu