Mungesa e hekurit është një shqetësim që haset shumë shpesh tek fëmijët, madje disa studime tregojnë se rreth 80% e fëmijëve të vegjël janë të prekur nga ky shqetësim. Në këtë rast kemi të bëjmë me një problem që nuk duhet nënvlerësuar, kjo pasi hekuri është një substancë shumë e rëndësishme për organizmin e njeriut, dhe kryesisht për atë të fëmijës.
Hekuri, një mineral tepër i vyer për organizmin e fëmijës
Ai luan një rol të rëndësishëm në shumë procese biologjike gjatë rritjes së fëmijës, duke përfshirë nga zhvillimi konjuktiv (njohës) dhe deri tek funksionimi i mirë i sistemit nervor qëndror. Për këtë arsye prindërit duhet të kudesen që fëmija të marrë në sasinë e duhur hekurin.
Disa këshilla të përgjithshme:
- Mos i jepni fëmijës nën 12 muajsh qumësht lope;
- E ushqeni fëmijën me gji të paktën për 6-të muajt e parë të jetës;
- I jepni qumësht në sasinë e duhur fëmijës edhe pas vitit të parë të jetës;
- E ushqeni fëmijën në mënyrë të rregullt me mish dhe peshk, dy ushqime të pasura me hekur;
- I jepni fëmijës sa më shumë ushqime të pasura me vitaminë C (agrumet, kiëi, specat, domatet, lakra, brokoli etj) si edhe ushqime të pasura me hekur.
Cilat ushqime duhet të konsumojë fëmija?
Ndër ushqimet më të pasura me hekur duhet të specifikojmë: mishin, bishtajoret, peshkun, kumbullat, rukola, kajsitë, të verdhën e vezës, spinaqin, thjerrëzat etj.
Është e rëndësishme që të konsumohen edhe shumë ushqime të pasura me vitaminë C pasi ato ndihmojnë në përthithjen e mirë të hekurit.
Lexo edhe:
Për të lënë një koment ju duhet të jeni regjistruar Identifikohu