Edhe pse në veshët tuaj këto fraza mund të tingëllojnë si diçka e parëndësishme, duhet të dini se për zhvillimin e fëmijës kanë një peshë të madhe! Të bësh rolin e prindit nuk është aspak e lehtë dhe ata që tashmë e kanë provuar, e dinë shumë mirë se për çfarë jemi duke folur, e megjithatë kjo nuk duhet të jetë një justifikim për t’i drejtuar fëmijës disa fjalë të pavend. Ato çfarë ne i themi fëmijës shkojnë shumë thellë brenda tij, qoftë në aspektin pozitiv apo negativ, duke ndikuar në perceptimin që ata kanë ndaj vetes, dhe në disa raste duke minuar vetëvlerësimin e tyre. Atëherë ja çfarë nuk duhet asnjëherë t’i thoni një fëmije, dhe këtu nuk e kemi fjalën vetëm për fëmijën tuaj!

• Sa budalla/i çrregullt/ i ngadaltë je…

Fëmijët e bësojnë verbërisht atë çfarë ju i thoni, sidomos nëse jeni prindi, dhe kjo do të ndikojë në mënyrë direkte në vetëvlerësimin e tyre. Ju mund t’i thoni: “do doja të ishe më i rregullt”, në mënyrë që ai ta kuptojë që mund të jetë më i rregullt.

• Ti nuk e bën dot, lere se e bëj unë!

Për të njëjtën arsye me atë që kemi përmendur më sipër, fëmija do të besojë vërtet se nuk është i aftë. Kjo frazë do ta bëjë atë të jetë i turpshëm dhe i pasigurt. Ju duhet të pranoni se ai nuk do të bëjë gjithçka mirë që në fillim.

• Mjaft! Është një budallallëk!

Nuk duhet asnjëherë të nënvlerësoni apo vini në lojë arsyen që e ka mërzitur fëmijën tuaj edhe pse mund të bëhet fjalë për diçka pa rëndësi. Kjo do të ndikojë që ai në të ardhmen të mos ju tregojë as problemet e tij serioze. Ju duhet të fitoni besimin e tij që në fëmijëri duke e mbështetur dhe ngushëlluar në mënyrën e duhur.

Lexoni edhe: Si duhet te jete komunikimi prind-femije?