Mos e mbuloni kurre karrocen e femijes me carcaf

0 0

Ky tashmë është bërë një lajm për shumë prindër dhe mund të konsiderohet lajm shumë i rëndësishëm me kuptimin e plotë të fjalës. Dhe ndërsa mendonim se kjo tashme ishte bërë një dukuri e njohur për një pjesë të madhe të popullsisë, si për ironi na takon të ballafaqohemi me një tjetër realitet jo më larg se një ditë më parë (postim i rishpërndarë). Gjatë një pasdite të bukur, plot diell me rreze të dobishme na takon të shikojmë një cift jo më shumë se 30-35 vjeç me një karrocë që mund të them me plot gojë të izoluar! Kemi parë plot raste kur nënat i mbulojnë karrocat e fëmijëve me çarçafë, napa, perde e lloj lloj materialesh, që dyshoj shumë se sjellin ndonjë dobi për fëmijën, por nuk më kishtë ndodhur kurrë të shikoja një karrocë të mbuluar me batanije! Ishte një batanije e hollë dhe me ngjyrë të çelët, por që gjithsesi të mbyt!
Fëmija kishte nxjerrë këmbët jashtë karrocës dhe mund të them se ishte më shumë se 1 vjeç! Por a e dinë ata prindër ( dhe ndoshta dhe shumë të tjerë) rrezikun që sjell ky veprim?
Ja çfarë duhet të dini në lidhje me këtë gabim, që ndoshta mund ta kenë bërë shumë prindër:
Gjatë verës është e vështirë të sigurojmë gjithmonë ambient të freskët për fëmijën tuaj. Për të “mbrojtur” fëmijët nga dielli shumë prindër shpesh e mbulojnë karrocën me një çarçaf të hollë, ndoshta pa e ditur që ky është një gabim që duhet evituar sepse temperatura në brendësi të karrocës ka tendencë të jetë me e lartë se ambient jashtë dhe duke i hedhur edhe çarçafin (sado i hollë të jetë ai) ju do ta rrisni edhe më shumë temperaturën, duke rrezikuar kështu që fëmija të preket nga SIDS (sindroma e vdekjes së papritur të laktantit në gjumë). Doktor Svante Norgen, një pediatër suedez ka bërë një studim në një spital të Stokholmit në lidhje me këtë problem. “Klima e karrocës mund të krahasohet me një kazan që zien. Në të ka një qarkullim jo të mirë të ajrit dhe ky qarkullim do të bëhet edhe më i keq me vendosjes e një carcafi sipër saj, sado i hollë të jetë ai”, shprehet doktori suedez.
Nëse bëhet shumë nxehtë fëmija i vogël mund të mendojë se ndodhet sërish brenda barkut të nënës dhe për pasojë do të ndalojë së marri frymë.
Në lidhje me vërtetimin e kësaj teorie është bërë edhe një test. Studiuesit kanë vendosur një karrocë në një ambient të jashtëm nga ora 11:30-13:00 në një temperaturë 22 gradë. Pasi karroca u mbulua me një carcaf shumë të hollë temperatura shkoi në 34 gradë. Bëhet fjalë për një rritje shumë të madhe temperature sidomos për një fëmijë të vogël i cili nuk është në gjendje të rregullojë temeraturën aq mirë sa një person i rritur.
Kështu që në vend që të mbuloni karrocën ndërsa jashtë bën vapë, mundohuni ta mbani atë sa më shumë në hije. Nëse është e mundur zbuloni anësoret e karrocës në mënyrë që ajri të qarkullojë më mirë. Nëse mendoni se temperatura e fëmijës është e lartë por nuk jeni e sigurt, vendosjani një dorë në bark dhe nëse ai është i nxehtë i vishni diçka më të hollë.

Lexo edhe: Deri ne cfare moshe femija duhet te perdore karrocen?




Për të lënë një koment ju duhet të jeni regjistruar Identifikohu



Materiale te ngjashme

Masazhi i foshnjave, përftimet e...

Kur fëmija juaj arrin moshën tre muajshe, është e mundur që ta mbuloni atë me përqafime e masazhe që e ndihmojnë të provojë të njëjtat ndjesi të përjetuara në bark,...

Prezantimi i ushqimeve të ngurta...

Çdo fëmijë ndryshon nga njëri-tjetri, prandaj periudha e duhur për të filluar ushqimet e ngurta mund të jetë e ndryshme, por sidoqoftë në asnjë mënyrë nuk duhet të nxitohemi apo...

Mjekët udhëzojnë: Testet e dëgjimit...

OBSH (Organizata Botërore e Shëndetësisë) ka përsëritur udhëzimin se në muajin e parë të jetës, të gjithë të sapolindurit duhet të kontrollohen për shikimin dhe dëgjimin. Këto janë kontrolle, të...

Nutrino, shija që duan fëmijët...

Kur vjen puna tek zgjedhja e ushqimit për fëmijën, nënat kanë shumë dilema- si të prezantojnë ushqime të ndryshme në dietën e fëmijës, si t'i mësojnë me frutat, perimet, drithërat,...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X