Administrata e ushqimit dhe ilaçeve në Shtetet e Bashkuara i ka bërë thirrje të gjithë prindërve të mos përdorin asnjë varëse, byzylyk apo bizhuteri të tjera për të qetësuar dhimbjet e fëmijëve nga dalja e dhëmbëve. Raporti i fundit vë në dukje të gjitha rreziqet që lidhen me përdorimin e tyre.

Jo bizhuteri për dhëmbët

Kjo nismë është marrë duke u bazuar në historitë e shumë prindërve që i kanë përdorur dhe gjërat me fëmijët e tyre kanë shkuar keq. Një rast përfundoi tragjikisht, pasi një foshnjë 18-muajsh u mbyt për vdekje nga varësja, sepse e kishte zënë gjumi.

Rreziku i mbytjes dhe infektimit nga bizhuteritë

Përveç këtyre rreziqeve fatale, autoritetet ngrejnë zërin edhe për rrezikun e infeksioneve, acarimit apo shpimit të mishrave të dhëmbëve.

Ekziston një ide e gabuar se këto bizhuteri janë bërë posaçërisht për të lehtësuar fëmijët nga dhimbjet kur ju dalin dhëmbët. Në të vërtetë nuk është kështu. Rreziku i acarimit së bashku me rrezikun e mbytjes duhet të jenë arsye të mjaftueshme për të mos i përdorur ato me fëmijët tuaj.

Bisedoni me pediatrin tuaj për të gjetur mënyra alternative për të reduktuar sikletin për fëmijën.

Shmangni kremrat, xhelët, sprajt, solucionet, tabletat apo çamçakëzin për fëmijët më të vegjël se 2 vjeç.

Lexo edhe: Dalja e dhembeve, si te lehtesojme dhimbjet