Ka nga ata që besojnë se një kapelë dhe rrobat janë të mjaftueshme për të mbrojtur fëmijët nga dielli. Të tjerë besojnë se zgjat dhjetë minuta për të prodhuar vitaminën D në diell. Ende të tjerë besojnë se mjafton të vendosni krem mbrojtës për të dalë pa problem në diell.

Kurrë pa mbrojtje

Miti i parë i rremë ka të bëjë me mbrojtjen e lartë: është e gabuar të mendosh se kremrat mbrojtës nuk lejojnë nxirjen, madje e kundërta është e vërtetë, sepse lëkura e mbrojtur mirë nuk “sulmohet” nga dielli; kështu që nuk digjet dhe nuk humb uniformitetin dhe intensitetin e saj. Duke vënë në një krem me faktor të lartë mbrojtjeje ju siguroni nxirje uniforme dhe afatgjatë.

Rrudhat dhe njollat e errëta

Në fakt, në mesin e miteve të rreme për diellin është edhe fakti se të qëndruarit në diell vetëm bën mirë. Në të vërtetë, 80% e rrudhave janë për shkak të ekspozimit të tepruar dhe të pambrojtur ndaj rrezeve që depërtojnë deri në ADN qelizore duke ndryshuar strukturat elastike të lëkurës, duke përshpejtuar procesin e plakjes. Qëndrimi në diell, për një kohë të gjatë dhe pa mbrojtje, gjithashtu është shkak i shfaqjes së njollave të errëta.

Mos përdorni produktet e vitit të kaluar

Kujdes për datën e skadimit të produkteve mbrojtëse: një produkt i skaduar nuk siguron mbrojtje të duhur.

Mos harroni flokët

Gjithashtu në lidhje me marrëdhëniet midis flokëve dhe diellit ka besime të rreme. Në fakt, shpesh mendohet se rrezet i bëjnë flokët të rriten më shpejt. Në të vërtetë e kundërta është e vërtetë: rrezatimi dëmton rrënjën dhe kjo është pikërisht arsyeja pse flokët priren të bien më shumë në vjeshtë, pas ekspozimit për një kohë të gjatë në diell gjatë verës.

Lexo edhe: E djegur apo çokollatë? E përcaktojnë gjenet