Në shumë vende të botës disa gra zgjedhin të sjellin në jetë fëmijën e tyre brenda ambienteve të shtëpisë, por kjo alternativë nuk duhet të mendohet edhe aq e thjeshtë. Mjekët neonatë (që kujdesen për të porsalindurit), janë shumë të alarmuar në lidhje me këtë dhe e konsiderojnë si një mënyrë shumë të rrezikshme qoftë në lidhje me shëndetin e fëmijës ashtu edhe me të nënës. Edhe pse përqindja e këtyre lindjeve është ende në nivele të ulëta, konsiderohet në rritje. Sipas të dhënave, në një shtet evropian, brenda një viti vijnë në jetë brenda mureve të shtëpisë rreth 500 bebe, por nuk mund të flitet me të dhëna preçize duke qënë se jo të gjitha deklarohen si të tilla.

Cilat do të ishin komplikacionet?

Mjekët këtë e konsiderojnë si diçka të rrezikshme sepse sipas tyre edhe nëse gruaja do të kishte një shtatzani fiziologjike, pra pa probleme të caktuara, nuk mund të përjashtohet në asnjë moment dhe në asnjë mënyrë mundësia që të paraqiten komplikacionet, të cilat vendosin në rrezik shëndetin e nënës dhe fëmijës duke kërkuar gjithashtu një transferim urgjent në spital. Sipas tyre rreth 40% e grave përfundojnë me urgjencë në spital sidomos nëse bëhet fjalë për lindjen e parë.
Këtë alarm e hedhin edhe mjekë të tjerë neonatë dhe sipas “American academy of pediatrics”, ju duhet të shikoni gjithmonë spitalin si strukturën më të sigurt dhe zgjedhjen e vetme për të sjellë në jetë fëmijën. Ju nuk mund të parashikoni asnjëherë me 100% siguri se si do të shkojë lindja dhe çfarë komplikacionesh mund të keni gjatë saj. Nga ana tjetër edhe rreziku për një patologji neonatale është i lartë dhe mundësia për të vepruar menjëherë gati zero.

Po ju a do të sillnit në jetë një fëmijë brenda shtëpisë tuaj? Si ju duket kjo zgjedhje që nënat bëjnë në shumë vende të botës?

Lexoni dhe: Lindja me operacion, e dini se mund te ndryshoje edhe gjenetiken e femijes?

')}