Hunda nuk ëshë një organ që mundëson vetëm kalimin e ajrit, por një organ shumë i rëndësishëm në proçesin e frymëmarrjes dhe për këtë arsye duhet të mbahet sa më pastër që të jetë e mundur. Ju duhet ta bëni këtë nëpërmjet heqjes së mukusit të tepërt që mund të ndodhet Brenda saj, gjendje e cila mund të përkeqësohet sidomos në rast se fëmija kalon një virozë. Diçka e tillë do ta bëjë shumë të vështirë frymëmarrjen e fëmijës.
Si mund të evitohen komplikacionet?
Nëse hunda e fëmijës është e bllokuar nga mukusi i tepërt mund të shfaqen edhe komplikacione të tjera si për shembull: faringiti dhe bronshiti në të gjithë aparatin e frymëmarrjes, kjo pasi mukusi favorizon kalimin e viruseve dhe baktereve. Gjithashtu mukusi i tepërt mund të shkaktojë problem edhe me veshët e fëmijës, duke provokuar Otit (infeksion në vesh).
Cilat janë produktet më të përshtatshme për të pastruar hundën e fëmijës?
Për të pastruar hundën e fëmijës duhet të përdorni një solucion fiziologjik, i cili për bëhet nga Nacl dhe ujë të sterilizuar, ujë termal etj. Solucioni fiziologjik mund të gjendet në formën e një sprai (Sterimar) ose në formën e një flakoni me një përdorim. Ky solucion nuk shkakton irritim të mukozave të hundës së fëmijës pasi është i përshtatshëm për bebet.
Si bëhet pastrami i hundës së fëmijës?
Nëpërmjet dy hapave:
- Hedhjes së fiziologjikut në mënyrë direkte nga flakoni ose me anën e një shiringe.
- Tërheqja me anën e pompës së posacme, të cilën mund ta gjeni në çdo farmaci.
Nëse do të përdorni produktin Sterimar, jo në të gjitha rastet është e nevojshme tërheqja me pompë, kjo pasi ky produkt mundëson daljen e sekrecioneve menjëherë pas shtypjes së tij brenda hundës së fëmijës.
Për të lënë një koment ju duhet të jeni regjistruar Identifikohu