Prindërit e dinë se nevojat e foshnjave për ushqim nuk mund të planifikohen. Kjo është e vërtetë për çdo mama, madje edhe aktoren e famshme Kate Hudson. Të shtunën, Hudson ndau një foto në Instagram teksa dukej në punë dhe po ushqente me gji vajzën e saj.

“Kur ti je duke punuar, por bebi do të ushqhet”, ka shkruar ajo përbri fotos. Hudson është një nënë me shumë përgjegjësi, pasi është e angazhuar në shumë projekte dhe ruajtja e një ekuilibri është shumë e vështirë për të.

Ndërkaq, për shumë nëna të tjera, marrja e fëmijës me vete në punë është një privilegj shumë i madh. Vërtet Hudson është duke realizuar disa foto, por ajo ka pasur komoditetin të ndërpresë fotografitë për të ushqyer vajzën, ndërkohë që shumë nëna të tjera përpiqen të fshihen në vende ku nuk i sheh njeri, të shtrydhin gjinjtë për të ruajtur qumështin për fëmijët dhe mbase të gjejnë një vend ku kap mirë interneti për t’ju përgjigjur njëkohësisht emaileve të punës.

Duke postuar këtë në Instagram, Hudson nuk po jep mesazhe vetëm për ushqyerjen me gji në publik, por po normalizon rolet e dyfishta që aq shumë prej nesh i kanë gjatë përditshmërisë.

Së fundmi flitet shumë, dhe në disa vende të botës janë ndërmarrë masa lehtëusese për nënat me fëmijë të vegjël, për fleksibilitetin e orareve të punës, për marrjen me vete të fëmijëve në punë, për më shumë mbështetje për shtrydhjen e gjirit etj.

Lexo edhe: “Nese shikoj edhe nje grua tjeter qe ushqen me gji ne publik do ia nxij syte”