Me kalimin e kohës e rritjen e fëmijëve, ata zhvillojnë ndjenjën e pavarësisë dhe kanë mundësi të qëndrojnë edhe pa vëmendje ndërsa prindërit bëjnë diçka tjetër. Sigurisht për prindërit është e vështirë të kuptojnë ekzaktësisht se kur mund t’i lënë fëmijët për pak çaste vetëm. Kur janë bebe që nuk lëvizin shumë, ju mund t’i lini ata 10 minuta, ndërsa shkoni në dyqan, nëse fëmija është në pozicion të rehatshëm, i sigurt dhe nuk po qan. Kur rriten pak, ata fillojnë të lëvizin dhe është e rrezikshme t’i lini pa mbikëqyrje.
Ndërsa rreth moshës 2-vjeçare, kur fëmijët të provojnë momentet e para të pavarësisë, ata do të kënaqen me ndjenjën e vetmisë dhe do të mësohen të mjaftohen me praninë e vetes, një aftësi kritike jetësore. “Kjo varet nga siguria e mjedisit që keni krijuar”.
Shenjat që tregojnë se fëmijët janë gati për t’i lënë pak çaste vetëm, duken kur fëmijët kanë dëshirë të kryejnë një lojë vetëm, pa ndihmën tuaj.
Çfarë duhet të keni parasysh kur i lini fëmijët pa mbikëqyrje në shtëpi:
- qëndroni në një distancë ku mund ta dëgjoni fëmijën;
- kontrollojeni herë pas here;
- ndiqni kërkesat e fëmijës, për shembull nëse e shikoni se do të përfundojë vetëm formimin e një puzzle;
- prisni derisa të jenë përfshirë në atë që bëjnë, para se t’i lini vetëm;
- vendosni rregulla baza, fëmija duhet ta dijë çfarë lejohet të bëjë dhe çfarë jo.
Lexo edhe: A mund ta le femijen vetem kur bej dush?
Për të lënë një koment ju duhet të jeni regjistruar Identifikohu