Shpesh gjatë shtatzanisë mund të ndodhë që barku të forcohet dhe ne do t’ju këshillonim që nëse ky problem do të ishte i shpeshtë të kontaktonit gjinekologun tuaj.

Kur fillon të shfaqet ky forcim i barkut?

Duhet të dini se ky është një problem që ndodh shpesh tek gratë pavarësisht muajit të shtatzanisë, duke u shfaqur fillimisht rreth muajit të 5.

Pse barku bëhet i fortë gjatë shtatzanisë? Cilat janë shkaqet e këtij forcimi?

Kjo ndjesi fryrje dhe forcimi në bark gjatë shtatzanisë mund të shkaktohet nga lodhja por mund të jetë edhe diçka fiziologjike që lidhet me uterusin. Ju mund të ndieni këtë ndjesi pasi keni kaluar një ditë të lodhshme, kur kaloni shumë orë në këmbë, kur udhëtoni për një kohë të gjatë etj. Pra ky problem konsiderohet si një sinjal që tregon se ka ardhur momenti të bëni një pushim. Nëse ky forcim shfaqet në muajt e fundit të shtatzanisë mund të jeni duke përjetuar kontraksionet parapërgatitore, ndërsa gjatë muajve të parë mund të shkaktohet nga ndonjë problem intestinal. Në përgjithësi nuk duhet të shqetësoheni, e kundërta duhet të ndodhë nëse diçka e tillë ndodh shpesh gjatë ditës. Kontakti me mjekun është me rëndësi.

Si të veprojmë?

Nëse ky forcim ka ardhur si pasojë e një aktiviteti fizik (për shembull palestër të posaçme për shtatzaninë), ju duhet të ndërprisni menjëherë stërvitjen dhe të filloni në vazhdim të praktikoni një sport më të lehtë. Nëse ai shkaktohet nga stresi apo lodhja duhet të merrni frymë thellë sikur po meditoni dhe të përpiqeni të qetësoheni. Shpesh kjo fryrje dhe forcim mund të shkaktohet edhe nga një tretje jo e mirë, dhe në këtë rast duhet të konsumoni ushqime më të lehta, shumë të tretshme, të eleminoni kafenë nga dieta juaj, gjithashtu çokollatën dhe pijet me gaz të cilat mund të stimulojnë kontraktimet e fibrave muskulare abdominale.

 

Lexo edhe: Kontraksionet Braxton-Hicks