Kordoni rreth qafës së fëmijës është një prej shqetësimeve më të mëdha të nënave që presin të sjellin në jetë fëmijën e tyre.
Përse nënat nuk duhet të frikësohen nga kjo?
- Kordoni rreth qafës ndodh në shumë fëmijë, dhe kjo konsiderohet deri diku normale nga mjekët. Gjatësia e kordonit është një faktor që lehtëson rrezikun në momentin e rrotulllimit në qafë (sa më i gjatë të jetë aq më shumë e ul rrezikun).
- Kordoni ombelikal mbrohet nga një masë viskoze e quajtur “Wharton”, e cila nuk lejon dëmtimin e enëve të gjakut gjatë shtypjes apo lëvizjeve të fëmijës.
- Kordoni nuk shtërngon qafën në momentin e lindjes kjo pasi fundi i uterusit lëviz bashkë me placentën dhe kordonin ombelikal. Në rast se kordoni pengon lëvizjet e fëmijës nevojitet ndërhyrja kirurgjikale.
- Nuk shkakton një lindje të vështirë. Në të vërtetë faktor për komplikacione mund të jetë diçka tjetër.
- Nuk është kusht për një lindje me operacion çezarian.
- Numri i lindjeve me fund jo të mirë për shkak të kordonit ombelikal rreth qafës është shumë i vogël.
- Problemi nuk qëndron tek numri i rrotullimeve të kordonit (varion nga 1-4 rrotullime), por tek gjatësia e kordonit. Gjatësia e kordonit vlerësohet nga mjeku i cili tregon se kur kjo përbën rrezik.
- Shkak për vuajtje fetale në këtë rast mund të bëhet stimulimi i lindjes me anën e oksitocinës sintetike. Ka shumë raste që lindja në këtë fazë përfundon në operacion çezarian.
Lexoni edhe: Kuriozitete rreth lengut amniotik
Për të lënë një koment ju duhet të jeni regjistruar Identifikohu