Sipas një hulumtimi kinez konsumi i peshkut të zgjat jetën. Studimi, i botuar në revistën shkencore Journal of Internal Medicine, tregon se konsumi i vazhdueshëm i produkteve të peshkut është i lidhur me një rrezik më të ulët të të vdekjes nga sëmundjet e zemrës, kanceri dhe sëmundjet e mëlçisë.
Studimi zgjati 16 vjet
Mostra, e përbërë nga 240,729 burra dhe 180,580 gra, u nda në dy grupe bazuar në konsumin e peshkut dhe u monitorua për 16 vjet. Pas periudhës së vëzhgimit, gjatë së cilës vdiqën 85,112 individë, u konstatua se ngrënia e peshkut dhe marrja e omega 3 ishte e lidhur dukshëm me një reduktim të vdekshmërisë. Në veçanti, u vërejt se:
- ata që hanin më shumë peshk kishin një shans 9% më të ulët për të vdekur para kohe;
- rreziku i humbjes së jetës për shkak të sëmundjeve kardiovaskulare ishte 10% më i ulët, 6% nga kanceri, 20% nga sëmundjet e frymëmarrjes dhe 37% nga sëmundjet e mëlçisë.
Kujdes ndaj peshkut të skuqur
Sipas studiuesve, metoda e gatimit mund të ndikojë në efektin e mirë që ka peshku në shëndet. Tek gratë, më shumë se tek burrat, konsumi i peshkut të skuqur, lidhej me një rritje të vdekshmërisë.
Ta dini!
Acidet yndyrore Omega-3 janë lëndë ushqyese esenciale, pasi trupi nuk është në gjendje t’i prodhojë ato, por duhet t’i marrë nga ushqimi. Përveçse te peshku, ato gjenden edhe te frutat e thata, sidomos te arrat.
Lexo edhe: Perfitimet nga vaji i peshkut
Për të lënë një koment ju duhet të jeni regjistruar Identifikohu