Konstipacioni apo kapsllëku është një problem shumë i përhapur tek fëmijët pavarësisht moshës që ata kanë, i cili manifestohet edhe me krampe në stomak dhe vështirësi në momentin e defekimit.
Cilat janë shkaqet e kapsllëkut?
- Një ushqyerje jo e mirë;
- Mbajtja e feçeve si pasojë e të qënit duke luajtuar apo dicka tjetër;
- Vështirësia në përdorimin e banjove jashtë shtëpisë (për shembull kur fëmija fillon të shkojë në kopësht) etj.
Simptomat dhe sinjalet e kapsllekut apo konstipacionit:
- Fëmija nuk defekon më shumë se 1-2 herë në javë;
- Fëmija vuan nga dhimbjet abdominale ose gjatë zbrazjes së zorrëve;
- Ha pak dhe refuzon ushqimin;
- Vihen re episode gjakderdhje nga anusi si pasojë e daljes së feceve shumë të forta.
Si duhet të sillet familja?
- Dieta duhet të jetë e pasur me fibra (shumë fruta dhe perime). Fëmija duhet të pijë shumë lëngje, dhe në mëngjes duhet të pijë një gotë ujë të vakët me pak limon. Evitoni përdorimin e ushqimeve industriale.
- Aktiviteti fizik. Fëmija duhet të luajë sa më shumë, duhet të jetë vazhdimisht në lëvizje në mënyrë që të favorizohet levizja e zorrëve.
- Këshilla të përgjithshme. E mësoni fëmijën të shkojë menjëherë në banjo në mëngjes, në mbrëmje para gjumit dhe pasi ka ngrënë. I vendosni një uturak në banjo në mënyrë që të ketë mundësi të shkojë edhe vetë të kryejë nevojat e tij.
Si të marrim sa më shumë fibra?
Mund t’i marrë nëpërmjet: kumbullave, mollëve, dardhave, manaferrave, brokolit, kungujve të verdhë, patates së ëmbël, bizeleve, fasuleve, thjerrëzave, miellit integral, bajameve, fistikëve, kikirikëve dhe arrave.
Për të lënë një koment ju duhet të jeni regjistruar Identifikohu