Nënat e reja janë shumë të forta. Ato ushqejnë fëmijët e tyre në çdo orë të ditës dhe të natës, mësojnë të rrinë pa gjumë e përshtaten me një ndryshim rrënjësor në jetën e tyre.

Secila nënë bën maksimumin e saj për foshnjen, familjen, veten.

Pra, gjëja e fundit që ju duhet është gjykimi nga të tjerët. Në një postim të ri Khloe Kardashian ka shprehur pakënaqësitë nga komentet herë keqdashëse herë të paqëllimshme të të tjerëve rreth saj dhe rritjes së fëmijës.

“Kurrë nuk i dini betejat që dikush mund të kalojë dhe në ç’mënyrë të tmerrshme mund t’i bëni ata të ndihen”, thotë Kardashian, duke shpjeguar se pyetjet nëse ajo ishte duke ushqyer me gji vetëm sa shtonin ndjenjën e fajit kur vendosi që formula ishte më e mirë për të dhe foshnjën.

Sipas një studimi të vitit 2016 të botuar në revistën “Të ushqyerit e nënës dhe fëmijës”, 67% e nënave që ushqenin fëmijët me formulë ndiheshin fajtore dhe 76% e tyre besonin se kishin nevojë për të mbrojtur vendimin e tyre. Në anën tjetër, nënat që ushqenin fëmijët me gji ndiheshin në faj se neglizhonin anëtarët e tjerë të familjes.

Kjo tregon se është shumë e lehtë që nënat e reja të ndihen nën presion, qoftë nga vetja e tyre qoftë nga ata që i rrethojnë.

Sipas Kardashian edhe pyetja që i bëjnë nënave kur dalin dhe lënë fëmijët në shtëpi është shumë pa takt, pasi kjo vetëm shton ndjenjën e fajit që kanë nënat, duke shkaktuar lotë dhe trishtim.

Ajo është komentuar gjithashtu për ndryshimin që pësuan buzët e saj gjatë shtatzanisë, gjë që ndodh për shkak të ndryshimeve hormonale gjatë muajve të pritjes së ëmbël. Kështu ajo thotë se këto pyetje herë me qëllim të mirë, herë thjesht për të pasur një temë bisede, herë më qëllim jo shumë të mirë i lëndojnë shumë nënat e reja.

Pra, çfarë mund t’i thoni një nëne të re? Mjaft! Provoni disa nga këto sugjerime gjatë bisedës suaj të ardhshme me një nënë të re:

1. Sa bukur dukesh.
2. Ke një fëmijë të mrekullueshëm.
3. A do të flesh pak gjumë ndërkohë që unë të ndihmoj me larjen e enëve?

Kështu e fitoni vërtet dashurinë e një nëne të re.

Lexo edhe: Dhurata me e mire per nje nene te re

')}