Shkaqet e SIDS, Sindromës së Vdekjes së Papritur Foshnjore, janë ende të panjohura. Megjithatë, një masë paraprake e vlefshme është që foshnjat të flenë në shtretërit e tyre dhe jo në mbajtëset e vendosura në mes të nënës dhe babait. Por jo vetëm. Në këtë material, keni te renditura me detaje çfarë duhet të bëjmë për ta parandaluar sado që të mundemi SIDS.

Vdekja e papritur e foshnjës

Kjo sindromë ndikon tek fëmijët sidomos në vitin e parë të jetës dhe është ende shkaku kryesor i vdekjes te foshnjat e porsalindura.

Edhe nëse shpëtojnë, foshnjat rrezikojnë të dëmtohen rëndë

Ndonjëherë, në rastin më të mirë, disa të porsalindur mund të “ringjallen”, por kanë një rrezik shumë të lartë të raportimit të dëmtimeve të përhershme të trurit, duke rezultuar në paaftësi.

Kurrë mos i lini të flenë në mbajtëse

Për të zvogëluar rrezikun e SIDS, të sapolindurit duhet të flenë në krevatët e tyre. Kjo është ajo që del nga një studim i kryer nga Akademia Sahlgrenska në Universitetin e Goteborg, Suedi. Në veçanti, u vu re se përputhja me këtë tregues, e cila u bë e njohur nga Ministria Suedeze e Shëndetësisë në vitin 1990, kishte një efekt pozitiv në zvogëlimin e rasteve të regjistruara atje.

Kushtet e gjumit

Fëmijët jo vetëm që duhet të flenë në krevatin e tyre, por duhet t’i vini në gjumë me shpinë, asnjëherë me bark, të kontrolloni mirë temperaturën e dhomës, e cila duhet të jetë midis 18-20 gradë Celsius. Gjithashtu, duhet pasur parasysh që t’i lini fëmijës të thithë çuçon në gjumë.

Këto janë kushtet kryesore që mund të zvogëlojnë dukshëm rrezikun e SIDS, por për fat të keq nuk mund ta eleminojnë plotësisht.

Djemtë më të rrezikuar në 5 muajt e parë

Përveç faktorëve që kemi nën kontroll për të ulur rrezikun, ka edhe faktorë të tjerë jashtë kontrollit tonë. Për shembull, djemtë nën pesë muaj janë shumë më të rrezikuar nga SIDS.

Lexo edhe: Zbulohet nje tjeter shkaktar i SIDS