Unë e dua shumë fëmijën tim por të qënit prind mund të jetë shumë e vështirë!

Të qënit prind është një kënaqësi vete por sigurisht është edhe një proçes i vështirë.  Asnjë prind nuk është perfekt, të gjithë bëjnë gabime. Edhe prindërit më të qetë ndonjëherë bëjnë gjëra për të cilat mund të pëndohen si përshembull ngritja e zërit. Por nësë ju mendoni së jeni duke hasur probleme vetkontrollin atëherë kërkoni ndihmë në mënyrë që kjo gjë mos të shnëdrrohet në një zakon.

Edhe unë acarohem ngandonjëherë por a është kjo normale?

Po, të gjithë prindërit acarohen herë pas here. Rritja e fëmijës kërkon shumë kohë dhe energji dhe prindërimi bëhet akoma më i vështirë kur ju ndeshni vështirësi në jetën tuaj si problemet në lidhje me punën, ekonominë, marrëdhënien  bashkëshortore apo edhe problemet me alkoolin dhe drogën. Për të qënë nje prind i mirë në fillim ju duhet të kujdeseni per veten, duke kërkuar ndihmë sa më parë për zgjidhjen e problemeve.

Çfarë të bëjë nëse ndihem e acaruar ?

Bëni pak pushim. Të gjithë kanë nevojë për pak pushim. Nëse keni pranë një tjetër të rritur në familje atëherë e bëni me radhë pushimin. Përshembull, lini partnerin te kujdeset për fëmijën ndërkohë që ju dilni me miqtë. Nëse jeni prind i vëtem mund t’i kerkoni një të afërmi t’ju japë një dorë në kujdesin e fëmijëve  ndërkohë që ju dilni për tu qetësuar pak.

Si mund të jem një prind i mirë?

Nuk është vetëm një mënyrë e mirë për të rritur një fëmijë dhe nuk ekziston prindi perfekt apo një fëmijë perfekt. Por këtu janë disa këshilla që mund t’ju ndihmojnë në rritjen e një fëmije të shëndetshëm e të lumtur.

• Tregohuni të dashur: Gjithmonë tregojini fëmijës se ai është i veçantë për ju dhe se ju e doni shumë, jepini atij shumë puthje e përqafime.
• Dëgjojeni fëmijën kur ju thotë diçka : Duke e  dëgjuar fëmijën  kur ai flet ju po i tregoni atij se është i rëndësishëm dhe se ju jeni të interesuar për atë që ai thotë.
• Bëjeni fëmijën të ndihet i sigurt: Ngushëllojeni kur është i friksuar dhe tregojini se jeni pranë tij për ta mbrojtur atë.
• Vendosni rregull në jetën e tyre: Mbani programe të rregullta për ushqyerjen, gjumin dhe kohën e lojës.
• Kritikoni sjelljen e jo fëmijën: Kur fëmija bën gabime mos i thoni që është një fëmijë i keq por shpjegojini se veprimi që kreu është i gabuar.
• Kaloni kohë me fëmijët: Bëni së bashku aktivitete si leximi, shëtitjet, lojrat dhe pastrimin e shtëpisë. Ajo që një fëmijë do më shumë është vëmendja juaj ndaj sjellja e keqe zakonisht është një tentativë për të tërhequr vëmendjen.

')}