Ka shumë situata kur prindërit mund të vënë në dyshim veten dhe rolin e tyre me fëmijën, nëse po e bëjnë mirë detyrën si edukues të fëmijëve të tyre, nëse po bëjnë gjënë e duhur në varësi të sjelljes së të vegjëlve. Ka edhe shumë situata kur fëmijët mund të testojnë durimin e prindërve, duke u sjellë keq në publik, duke u llastuar, duke këmbëngulur për gjëra të gabuara etj.
Për disa nga këto situata dhe për shumë pikëpyejte të prindërve në rastet kur sjellja e fëmijës nuk është shembullore, apo kur vetë prindi nuk është në formën e gjendjen e tij më të mirë, pediatrja Lira Gjika ka disa këshilla:
Këshilla për edukimin e fëmijëve nga pediatrja Lira Gjika:
- Kur je i nxehur mos e prek fëmijën me dorë sidomos kur je në rrugë. Nervozizmi është një energji që ti vetë nuk arrin ta kontrollosh. Ti reagon në mënyrë të dhunshme jo nga veprimi i fëmijës, por për shkak të situatës së turbullt emocionale brënda teje.
- Fol me fëmijën pasi të jesh qetësuar dhe ke mundësi të kontrollosh nervozizmin.
- Kur bën një veprim të keq ndaj fëmijës, kur qetësohesh, të paktën kërkoji të falur.
- Edukimi nuk ndodh kur i rrituri urdhëron. Kjo mënyrë krijon vetëm frikë dhe përsërit të njëjtën mënyrë të sjelluri.
- Edukimi nuk mund të realizohet kur të rriturit janë nervozë dhe urdhërues.
- Kur flisni me fëmijën, uluni në gjunjë që të barazoheni me të dhe të mos flisni në pozicion nga lart- poshtë.
- Kur flisni me fëmijën mos e shkundi apo kapni për krahu apo veshi, janë veprime që gjymtojnë.
- Kur flisni me fëmijën, flisni me drejtshkrim. Dialekti duhet përdorur pasi është dhënë këshilla më parë me drejtshkrim. Fëmija duhet ta njohë edhe dialektin.
- Mos e gënjeni fëmijën as për arsye madhore. Përpiquni t’ia thoni të vërtetën fëmijës, sa më kuptueshëm edhe kur edhte një vjeç.
- Ëmbëlsoni zërin kur flisni me fëmijën.
- Nuk mund të ketë edukim të mirë me dhunë, gënjeshtra, dhe të folur jo të zgjedhur
Marrë nga Lira Gjika
Lexo edhe: “Nuk ia nxirrni frikën fëmijës duke e përplasur në ujë, po i bëni shumë keq”
Për të lënë një koment ju duhet të jeni regjistruar Identifikohu