Çrregullimet mendore dhe ato të sjelljes vijnë si pasojë e keqtrajtimeve kur je i vogël. Ja pse:

Fëmijët duhet të rriten të lumtur dhe duhet t’i mbrojmë nga çdo lloj abuzimi. Por në vendin tonë, për fat të keq, realiteti është më ndryshe. Ka shumë fëmijë që jetojnë rrugëve të cilët keqtrajtohen në mënyra të ndryshme, dhe keto veprime shoqërohen me efekte negative që janë të destinuara të zgjasin gjatë gjithë jetës.

Fëmijët e keqtrajtuar, kanë një rrezik shumë më të lartë se fëmijët që rriten me dashuri dhe me qetësi për tu prekur nga çrregullimet mendore, madje edhe kur rriten. Ky alarm është ngritur nga psikiatrit në kongresin e Shoqatës Europiane të Psikiatrisë (EPA).

Një fenomen i përhapur

Abuzimi i fëmijëve nuk është më një fenomen i izoluar. Ai ndodh kudo. Në rrugë, në shtëpi, në shkollë, në kopshte.  Sipas vlerësimeve të psikiatërve, deri në 23% e adoleshentëve janë viktima të këtyre abuzimeve.

Në shtëpi është i mbrojtur

Përkundrazi. Të paktën 80.000 fëmijë keqtrajtohen çdo vit në familje, duke rënë pre e dhunës fizike dhe e abuzimeve seksuale. Nëse dikush nuk kujdeset për ta dhe nuk merren parasysh do te kete pasoja.

Cilat janë pasojat e keqtrajtimit?

Të gjitha format e keqtrajtimit kanë pasoja te cilat mund te jene afatgjata. Ato mund të shfaqen edhe pas shumë vitesh apo edhe në një vit. Këto pasoja mund të kenë efekte negative në jetën e tyre të përditshme apo edhe ndikime të tjera. Psikiatrit kanë shpjeguar se abuzimi i fëmijëve mund të ketë ndikime shumë të rëndësishme edhe në jetën e të rriturve.

Fëmijët që kanë pësuar abuzime, kërcënime, rrahje, poshtërime paraqesin një rrezik të trefishtë të zhvillimit të diskomforteve mendore, çrregullimeve seksuale, problemeve të sjelljes, çrregullimeve të ankthit ose stresit post traumatik. Gjithashtu dhuna emocionale, ngacmimet fizike, ngacmimet e pësuara në vitet e para të jetës, gjithashtu çojnë në një rritje të obezitetit, sëmundjeve kronike, abuzimit të alkoolit dhe drogës.

Lexo edhe: Si te mbrojme femijen nga te gjitha llojet e abuzimeve

')}