Gjatë këtyre muajve të hershëm aftësitë e një bebe vazhdojnë të shpalosen. Rritja ecën me hapa të shpejtë. Sistemet e trupit janë të stabilizuara më mirë, temperatura, format e frymëmarrjes dhe rrahjet e zemrës fillojnë të bëhen më të rregullta. Periudhat e gjata të qëndrimit zgjuar ndikojnë në zhvillimin personal dhe social të fëmijës. Reagimi ndaj njerëzve të tjerë fillon të shfaqet në momentin që bebi praktikon dhe kënaqet duke përdorur sytë e tij për të eksploruar mjedisin.

Po në lidhje me mjedisin?

Duke kuptuar se rreth tij ndodhen dhe njerëz të tjerë, bebi gradualisht krijon një ndjenjë besimi dhe lidhet emocionalisht me prindërit dhe personat që kujdesen. Ndërkohë që e qara mbetet rruga kryesore e komunikimit dhe e tërheqjes së vëmendjes së të rriturit për të marrë më shumë dashuri, fillojnë të shfaqen gradualisht aftësi komunikimi më komplekse. Bebi fillon të gjejë një kënaqësi të madhe në imitimin e tingujve së të folurit dhe gjesteve së të tjerëve. Ai mëson vazhdimisht gjatë gjithë orëve që rri zgjuar, ku përdor aftësi të reja për të njohur botën, për të marrë informacion për një mjedis ende të ri dhe të panjohur. Gjithsesi është e rëndësishme të theksojmë edhe një herë se zhvillimi mendor, zhvillimi i lëvizjeve dhe zhvillimi i perceptimit (perceptim është proçesi i marrjes, analizimit, përpunimit dhe dhënies kuptim të informacionit që merret nga bota e jashtme) janë të lidhur ngushtë me njëri-tjetrin dhe është e pamundur t’i ndash gjatë këtyre muajve.

• Reflekset janë aktivitete automatike të pavullnetshme. Në këtë periudhë të zhvillimit, sjelljet lëvizore refleksive fillojnë të ndryshojnë dhe do të zhvillohen më mirë.
• Vazhdon të shikojë në drejtim të sendeve që lëvizin, por që janë zhdukur nga shikimi.
• Koordinon zërin me shikimin dhe me lëvizjet e trupit në komunikimin ballë për ballë me prindërit dhe kujdestarët; mund të ndjekë dhe të përpiqet të mbajë vazhdimësinë e komunikimit.
• Buzëqesh në përgjigje të një fytyre ose zëri të njohur, ndërsa të qeshurat gjatë gjumit mendohet se janë mekanike.

Lexo edhe:

Zhvillimi i bebes

Zhvillimi i femijes

Sorry, there are no polls available at the moment.

')}