Pas gjashtëmbëdhjetë vjetësh shërbim në Katar, Afganistan dhe Irak, ushtari Seth Kastle doli në pension dhe u kthye në shtëpi në Wakeeney, Kansas. Dhe ndërsa ishte i lumtur që ishte përsëri me gruan e tij Julia dhe vajzat Raegan dhe Kennedy, ai përjetoi  çrregullimin e stresit post-traumatik (PTSD).

“Kur u ktheva në shtëpi dhe fillova procesin e riintegrimit, ishte e vështirë, por nuk e kuptoja pse”, tregon ai. Për të kaluar ndjenjat e tij dhe duke shpresuar për t’i ardhur në ndihmë fëmijëve të tij të kuptonin çrregullimin që ai po kalonte, Kastle u ul në tryezën e kuzhinës dhe filloi të shkruante një histori me të cilën u mor për një kohë të gjatë.

Në gjysmë orën e parë, ai përfundoi kapitullin e parë “Pse babi është kaq i çmendur?”.

Përpjekja e Kastle është një libër për fëmijë ka të bëjë me një familje luanësh, të modeluar sipas tij, ku babai lufton me PTSD. Çrrregullimi përfaqësohet në ilustrimet e librit nga një zjarr që ndizet brenda gjoksit të tij.

Kastle shpreson që libri i tij të ndihmojë ushtarët e tjerë dhe familjet e tyre, jo vetëm të tijën.

Vlerësohet se 11 deri në 20 përqind e veteranëve të luftërave të Amerikës në Afganistan dhe Irak kanë përjetuar PTSD, por mbetet një çështje e vështirë për t’u diskutuar.

“Leximi i këtij libri për vajzat e mia ishte një përvojë mjaft e fuqishme,” tha Kastle. Pasi ia lexova vajzës madhe, ajo më tha që ndjente keqardhje se kisha një zjarr brenda gjoksit tim.

“Kjo është diçka që do të më shoqërojë gjithmonë”.

Lexo edhe: Omran, vogelushi i dale nga renojat e luftes