X

Kryesore

Ja çfarë gëlltisin më shumë fëmijët, rrezikojnë edhe jetën

Fakti që fëmijët fusin në gojë pothuajse gjithçka, madje edhe gjëra që nuk duhet, nuk është një problem i ri. Por është një gjë që po bëhet më e zakonshme – dhe më e rrezikshme. Një studim i kohëve të fundit zbuloi se numri i fëmijëve që mbërrijnë në spital për gëlltitje të objekteve është më i larti që ka qenë ndonjëherë.

Duke përdorur të dhëna nga Komisioni i Sigurisë së Produkteve të Konsumatorit të SHBA-së, hulumtuesit zbuluan se ndërmjet 1995 dhe 2015, afërsisht 755,000 vizita të fëmijëve të moshës nën 6 vjeçare ishin për shkak të gëlltitjes së objekteve të vogla, të cilat arrijnë deri në 99 vizita çdo ditë. Vetëm në vitin 2015, kishte më shumë se dy herë më tepër vizita sesa në 1995.

Studimi, i botuar të premten në revistën Pediatrics të Akademisë Amerikane të Pediatrisë, gjithashtu njoftoi se shkalla e fëmijëve që u pranuan ishte deri në 18 nga 10,000 në vitin 2015, pothuajse dyfishi i asaj që ishte në 1995 në vetëm 9.5.

Autorja e studimit, Dr. Danielle Orsagh-Yentis, se vendosi të shqyrtojë çështjen “kur të gjithë ne u thirrëm në mes të natës në orë të çuditshme për të hequr trupat e huaj nga ezofagu ose stomaku i fëmijëve”.

Dhe për sa i përket objekteve specifike që fëmijët i gëlltisin, Orsagh-Yentis dhe ekipi i saj zbuluan se monedhat, ishin më të zakonshmet. Më pas ishin lodrat (sidomos mermeret), bizhuteritë (vathët), dhe bateritë (shpesh bateri me butona të vogla).

Ndërsa AAP rekomandon që prindërit të mbajnë sendet të vogla si monedhat, bateritë dhe magnetëtlarg fëmijëve të vegjël, Orsagh-Yentis gjithashtu i kujton prindërit se çdo fëmijë që gëlltit një nga këto objekte “duhet të sillet në urgjencë sa më shpejt të jetë e mundur”, pasi kjo mund të çojë në dëmtimin e zorrëve, helmimin e gjakut dhe madje edhe vdekje.

Lexo edhe: Si ta ndaloj femijen te fuse gjithcka ne kohe?

Comments

comments

Me shume ne: Nje guide e pergjithshme, slider
lindje e stimuluar, metodat, sa minuta zgjat lindja e stimuluar
Lindje e stimuluar, ja sa pak minuta zgjati

Nëse e dini se do të kryeni një lindje të stimuluar, shpesh kjo do të thotë se ju keni një...

Close