Një nga kujtimet e mia më të bukura të fëmijërisë është kur jam ngjitur në një argjinaturë të pjerrët me rërë dhe nëna ime më inkurajonte ta bëja. Arrita të ngjitesha pa ndonjë vështirësi, por zbritja më pas ishte shumë më e vështirë. Kur më në fund arrita të zbrisja e sigurt, e nevrikosur e pyeta nënën pse më lejoi të bëja diçka kaq të frikshme.
Përgjigja e saj ishte: Nëse ti besoje që mundeshe edhe unë besova tek ti.
Besimi që ajo kishte te unë më bëri një përshtypje të madhe atë ditë. Tani, studimi e mbështet atë duke treguar se prindërit që inkurajojnë fëmijët e tyre për të shkuar pas “detyrave” të vështira po reduktojnë rreziqet e fëmijëve për çrregullime ankthi.
Hulumtuesit shqyrtuan 313 familje nga Hollanda dhe Australia. Në të dyja kulturat, fëmijët e prindërve që i ndihmuan të shkonin përtej kufijve të tyre kishin më pak të ngjarë të luftonin me çrregullime ankthi.
Metodat e dobishme “sfiduese” të sjelljes prindërore aplikohen si për sfidat fizike dhe për situata sociale të panjohura. Me fjalë të tjera, kur prindërit shfaqin besim tek fëmijët e tyre, fëmijët e fitojnë këtë besim për veten e tyre.
“Duke inkurajuar fëmijët, prindërit mund të ndihmojnë për të zvogëluar rrezikun e një çrregullimi ankthi, gjë që është një arritje e madhe”.
Një tjetër gjetje e rëndësishme nga studimi është që prindërit duhet të bëjnë të njëjtën gjë si me vajzat, ashtu edhe me djemtë pasi rreth moshës 5-vjeçare fillojnë stereotipet. Disa sjellje konsiderohen vetëm për djem e disa vetëm për vajza.
“Shumica e vajzave mësohen të shmangin dështimin dhe rrezikun. Djemtë, nga ana tjetër, mësohen të marrin përsipër rreziqe. Pra, ne po i mësojmë vajzat të jenë të përsosura dhe djemtë të jenë të guximshëm. Në fakt duhet t’i inkurajojmë të dy të ndërmarrin rreziqe, në mënyrë që t’i mbrojmë nga ankthi më vonë”.
Fitojnë ose humbasin, rezultati është i njëjtë nëse prindërit janë inkurajues. Fëmijët do të jenë më të sigurtë në veten e tyre.
Lexo edhe: Pse duhet te merren me sport femijet?
Sorry, there are no polls available at the moment.')}
Për të lënë një koment ju duhet të jeni regjistruar Identifikohu