Ky problem mund të shfaqet gjatë ditëve të para pas lindjes, pra pas prerjes së kordonit ombelikal që e lidh me nënën. Në vendin e prerjes së kordonit ombelikal vendoset një kapëse e cila bie rreth ditës 8-10 dhe më pas formohet kërthiza, por ndonjëherë pas rënies së kapëses nuk ndodh shërimi në mënyrën e duhur dhe për pasojë formohet hernia ombelikale.
Përse formohet hernia ombelikale?
Nëse ky problem shfaqet nuk duhet ta bëni veten fajtore dhe të mendoni se nuk e keni dizinfektuar në mënyrën e duhur. Gjithçka ka lidhje me proçesin e mbylljes së prerjes. Gjatë mbylljes së kësaj zone mund të ndodhë që një pjesë e zorrës të dalë jashtë murit abdominal dhe për pasojë të provokojë shfaqjen e hernies. Kjo mund të shkaktohet edhe nga një sforcim që fëmija ka bërë apo pas të qarave të tij.
Hernia intestinale (inguinale)
Shkaqet janë të ngjashme me ato që shkaktojnë hernien e kërthizës, dhe kjo ndodh në rastin kur zorra del nga muskujt. Në disa raste kjo formë e hernies konsiderohet tepër e rrezikshme pasi mund të pengojë fluksin e gjakut në organet përreth. Veçanërisht tek djemtë mund të shkaktojë një problem në organet gjenitale, duke bërë që atje qarkullimi i gjakut të mos jetë i mirë. Tek vajzat hernia intestinale paraqet probleme më të vogla por në rastet më ekstreme mund të shkaktojë probleme edhe në vezore. Kjo formë e hernies shfaqet zakonisht gjatë vitit të parë të jetës ndërsa fashat muskulare nuk janë ende të forta.
Simptomat
Hernia paraqet këto simptoma:
- Fryrje të zonës ombelikale;
- Djegie dhe dhimbje pas një sforcimi apo kollitje.
Zakonisht hernia bëhet më e dukshme edhe pasi fëmija ka defekuar.
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu