Një shtatzani sjell shumë ndryshime si fizike ashtu edhe emocionale në jetën e një gruaje. Me mbështetjen e duhur, gjërat e vështira kalohen më lehtë dhe gjërat e bukura përjetohen edhe me më shumë emocion. Për një nënë të ardhshme një ndihmë shumë e madhe do të ishte mbështetja e vjehrrës në këtë periudhë.
Frazat që do të donte të dëgjonte një grua shtatzanë nga vjehrra e saj
- Jam shumë e gëzuar!
Është e natyrshme që një nënë e ardhshme të marrë fjalë të mira për ardhjen e fëmijës, por kur këtë gjë e thotë vjehrra, kjo i siguron nënës se fëmija i saj do të ketë shumë njerëz që e duan.
- Fëmija yt do të jetë me fat që të ka ty nënë
Ka shumë nëna ose vjehrra që fillojnë të predikojnë në momentin që dëgjojnë lajmin e madh. Në vend të kësaj, është më mirë të inkurajojnë nënë në pritje, gjë që do të forcojë marrëdhënien e tyre.
- Më ke këtu për të të ndihmuar
Shtatzënia mund të jetë një fazë e vështirë, veçanërisht herën e parë. Nëse vjehrra ju ndihmon, udhëtimi juaj së bashku me fëmijën që do të vijë në jetë do të jetë shumë i lehtë e i bukur.
- Ndaje këtë përjetim edhe me nënën tënde
Nëna e re nuk mund të lidhet me askënd më shumë sesa me nënën e saj. Nëse vjehrra e kupton këtë dhe kërkon të përfshihen të treja në pritjen e fëmijës, kjo e bën edhe më të bukur përjetimin.
Lexo edhe: 10 shenjat qe tregojne se vjehrra juaj eshte problematike
Për të lënë një koment ju duhet të jeni regjistruar Identifikohu