A e dinit që fotografia mund t’ju siguroj informacion të rëndësishëm për sytë e fëmijës suaj?

Ne jemi duke bërë më shumë foto se kurrë më parë dhe po i shperndajmë ato në një audiencë në rritje të njerëzve që përdorin rrjetet sociale. Duke i kushtuar vëmendje fotove të fëmijëve mund të paralajmërohemi për problemet e syve që ata mund të kenë nga reflektimi i dritës në retinën e tyre i njohur ndryshe si “red reflex”

Reflektimi ylber

Një reflektim i kuq prodhohet kur flashi i aparatit fotografik ndriçon retinen e pasur me gjak, nëse sytë janë të drejtuar nga lentet e kamerës dhe reflektimi në të dy sytë është i kuq, dhe në shumë raste ky është një tregues se retina në të dy sytë është e shëndetshme.

Një reflektim anormal është kur ngjyra e reflektimit të syve është e bardhë, e verdhë ose e zezë në të dy sytë. Kjo mund të jetë një shenjë paralajmëruese për prezencën e një problemi tek sytë, që mund të diagnostikohet nga një pediatër ose okulist.

Dr. Jane Edmond nga “Spitali i fëmijëve” në Teksas, sqaron se është e rëndësishme që fotoja të bëhet në kushte optimale për të kuptuar nëse ka një reflektim anormal.

Për të bërë një foto në kushte optimale:

• Fëmija duhet të shikoj drejtpërdrejt lentet e aparatit
• Flashi i kamerës të jetë i ndezur dhe background i errët.
• Reduktuesi i reflektimit në aparat të jetë i fikur.

Nëse atëherë dalloni një reflektim anormal, çojeni foton tek pediatri i fëmijës ose okulisti.

Shumë shpesh një reflektim i bardhë mund te mos sinjalizoj një anomali por mund të jetë shkaktuar sepse fëmija po shikonte drejt e te ndriçuesi i aparatit dhe një nerv optik është në sinkroni me dritën e lëshuar prej tij.

Kur reflektimi anormal lajmëron një problem serioz.

Në raste të rralla një reflektim anormal mund të paralajmërojë sëmundje të rrezikshme të syve. Një reflektim asimetrik ndodh kur reflektimi i njërit sy është më i errët se tjetri dhe ky mund të jetë një indikacion për strabizmin apo keqformim te syrit.

Një refleksion i bardhë që mbulon pjesën më të madhe të bebes së syrit mund të  jetë një flamur i kuq për të paralajmëruar sëmundje serioze si shkëputje e retinës apo infeksione të brendshme të syrit.

Një reflektim i verdhë  mund të jetë shenjë e një sëmundje të quajtur “Coats disease” e cila shkaktohet sepse enët e gjakut që furnizojnë syrin me gjak dhe oksigjen janë përdredhur apo çarë, duke krijuar një njollë në retinë që mund të shkaktojë shkëputje të saj ose humbje shikimi.

')}