Ndoshta ti po më takon për herë të parë sot, ndoshta ke shumë kohë që më njeh por asnjëherë nuk më ke parë kështu, nuk ke parë tek unë këtë grua që jam sot. Po, është e vërtetë kam ndryshuar dhe mendoj se njerëzit ndryshojnë për dy arsye, e para sepse zemra e tyre mund të thyhet dhe e dyta sepse mendja e tyre mund të hapet. Mendoj se mua më ndodhën të dyja, dashurova shumë dhe nuk morra asgjë në këmbim, kështu mësova ti shikoj gjërat më qartë, ti pranoj siç janë!
E di se çfarë mendoj? Se dashuria nuk është ajo që tjetri thotë, dashuria është ajo që tjetri bën! Të gjithë mund të thonë se të duan shumë, se ju intereson gjithçka që ti bën, dhe madje edhe unë dikur kam besuar, ndërsa sot them me plot bindje se rëndësi ka të shikosh veprimet e një personi, jo fjalët! Nëse do të bëjmë të kundërtën do të lëndohemi, do të ndihemi të humbur brenda vetes. Por ndonjëherë na duhet të vdesim disi përbrenda dhe të ringjallemi më të fortë për ta paraqitur veten në një version më të zgjuar, të afta për të dashurar sërish.
Po kam dashuruar! Kam dashuruar shumë madje dhe jam lënduar pikërisht sepse nuk dija të vëzhgoja veprimet, nuk pranoja të vëzhgoja veprimet dhe qëllimi i jetës time ishte të justifikoja ato të gabuarat. Sot behëj fjalë për një lodhje, nëse bëhej fjalë për një mërzitje, ditën tjetër diçka tjetër kishte ndodhur dhe unë preferoja të vazhdoja të justifikoja ofendimet apo sjelljet e dhunshme, më tepër se të pranoja atë që ishte duke ndodhur. Sot mendoj se ka më tepër vlerë një refuzim i qartë që tjetri mund të të bëjë, shumë më tepër se një premtim i remë.
Nëse unë nuk reagoja nuk do të thotë se nuk e kuptoja, isha unë ajo që refuzoja ta pranoja atë që dashuria po më shkaktonte çdo ditë brenda vetes time. Dhe kjo ishte e gabuar, sepse dashuria në të vërtetë nuk vret, nuk duhet të vrasë nuk mendoni?
Ta bësh dikë të vuajë, të thuash gjëra që e lëndojnë, nuk besoj se ka lidhje me ndershmërinë, dhe aq më tepër me dashurinë apo jo? Kjo ka lidhje me thyerjen e zemrës dhe unë sot kam mësuar të refuzoj ato gjëra dhe persona që nuk i kontrolloj dot, që nuk i ndryshoj dot, që nuk duan të jenë atje për të më bërë të lumtur. Mendoj se dashuria duhet të jetë e tillë që të të bëjë të ndihesh plot edhe kur ti ke harruar të duash veten tënde, nëse nuk qëndron e hapur gjithmonë për ty atëherë pranoje, nuk është dera tënde!
Mendoj se nuk i takojmë rastësisht personat, ata dalin në rrugën tonë për një qëllim. Personalisht gjithmonë më ka pëlqyer të qëndroj brenda shtëpisë, brenda hapësirës time e rrethuar nga shumë pak ose aspak persona, jam plot gabime dhe gjëra që nuk janë perfekte por mbi të gjitha mendoj se në jetën time jam tepër reale, jam reale edhe në ato që them dhe ndiej. Megjithatë e dini se çfarë mendoj? Se bisedat e thella, ato të sinqertat me personat e duhur janë shumë të vlefshme, janë të çmuara dhe jam e bindur se shumë persona në botë kanë fuqinë ta bëjnë dikë të lumtur, është fuqia e dëshirës së mirë dhe dashurisë së sinqertë që gjen fjalët e duhura!
Unë shqetësohem, shqetësohem shumë për gjithçka ky është problemi im. Unë shqetësohem nëse mikja ime e tha një fjalë ndryshe nga herët e tjera, nëse dashuria ime sot ishte pak më i ftohtë se herët e tjera, nëse motra ime sot ishte disi e irrituar edhe pse jo me mua personalisht dhe ky është problem im më i madh! Por jo vetëm unë, kështu si unë në botë ka shumë femra që ndiejnë njësoj, që preken nga një veprim i joti, nga një fjalë e pamenduar mirë, nga një shikim i ashpër pas një bisede. E rëndëësishme është të qëndrojmë pozitivë, të veprojmë dhe shprehim gjëra pozitive, sepse unë i besoj fort teorisë se gjithçka ke bërë kthehet mbrapsh tek ty!
Të flesh gjumë nuk të ndihmon nëse e ke shpirtin e lodhur, këtë mund ta bëjë vetëm dashuria e vërtetë, ajo që kërkon nga mua dhe nga ty të ndajmë gjithçka me njëri-tjetrin, jo vetëm krevatin. Nuk duhet të ketë sekrete, nuk duhet të ketë gënjeshtra!
Sa vajza dhe gra ndihen sot kështu? Sa prej tyre kanë nevojë të gjejnë mbështetjen tek dashuria e vërtetë, tek ajo që do të ndryshojë mënyrën e të vlerësuarit të vetes dhe jetës? Shpirti i femrës mund të jetë shumë i lodhur, nga një histori e përfunduar dashurie, nga një histori e vështirë familjare, nga humbja e një personi të dashur, nëse ty rruga të çoi në jetën e saj do të thotë që ka ndodhur për një arsye! Nëse mbjell dashuri, dashuri do të marrësh dhe shpesh janë frytet e këtij përkushtimi që na i bëjnë jetën më të lumtur!
Dashurohu, beso, perkushtohu, pra jeto!

Lexo edhe: Lotet e dashurise, sprove e jetes sime!

Sorry, there are no polls available at the moment.

')}