loading

Fëmijët që lindin para kohe, sa mundësi kanë realisht për të mbijetuar

0 0

Prematuriteti ose lindja e parakohshme është një nga shkaqet më të mëdha për vdekshmërinë e foshnjave të sapolindura: mbijetesa është sigurisht e mundur, por nuk duhet të merret si e mirëqenë. Disa fëmijë që lindin para kohe nuk ia dalin të mbijetojnë, kjo për shkak të problemeve që lidhen me papjekurinë e organeve ose me rrezikun e lartë të infeksioneve.

Sipas prof. Fabio Mosca, president i Shoqërisë Italiane të Neonatologjisë lindja e parakohshme është një problem serioz dhe ndonëse fëmijët e lindur kështu kanë shanse të mbijetojnë, jeta e tyre rrezikohet çdo minuta.

Midis 30 dhjetorit dhe 5 janarit në spitalin e Brescias humbën jetën tre të porsalindur pavarësisht kujdesit intensiv që treguan mjekët.

Prematuriteti si përkufizim i përgjithshëm i referohet çdo fëmije të lindur para se të mbushë 37 javë të shtatzënisë, por është normalisht e qartë se një fëmijë i lindur 36 javësh është në kushte shumë të ndryshme nga një i lindur 27-28 javësh dhe që ka peshë më pak se 1000 apo 1500 gram.

“Funksionet jetësore të këtyre fëmijëve nuk janë të gatshme” – specifikon neonatologun – “aq shumë sa jemi të detyruar t’i mbajmë ato gjallë artificialisht, përndryshe nuk do të mbijetonin. Në vitet shtatëdhjetë, më shumë se 60% e fëmijëve që lindnin me peshë më pak se 1.5 kg vdiqën, ndërsa sot më shumë se 85% mbijetojnë “. Është një përqindje shumë e lartë, por kjo nuk do të thotë se edhe sot s’ka fëmijë që s’mund t’ia dalin. Itali, për shembull, ka dy / tre fëmijë në ditë të lindur para kohe, të cilët nuk arrijnë të mbijetojnë.”

Komplikimet e  mundshme për foshnjat e parakohshme janë kryesisht vështirësi në frymëmarrje, infeksionet ose  komplikimet e zorrëve.

Vështirësi në frymëmarrje. Foshnjat e parakohshme kanë mushkëri të paformuara mirë, si në mënyrë strukturore ashtu edhe në funksionin e tyre, sepse ato nuk kanë surfaktant, një molekulë që mbulon alveolet pulmonare, thelbësore për zgjerimin e tyre. Kjo do të thotë që foshnjat nuk mund të kryejnë shkëmbimin e oksigjenit dhe dioksidit të karbonit e për këtë arsye atyre u vihen respiratorë artificial, përndryshe fëmijët nuk do të mbijetonin.

Infeksionet. Ashtu si mushkëritë, sistemi imunitar i foshnjave të parakohshme është veçanërisht i paformuar, gjë që i bën ata të ndjeshëm ndaj sulmeve nga viruset dhe bakteret, duke përfshirë mikroorganizmat që konsiderohen të padëmshme për të rriturit.

Për të mos përmendur që vetëm për të mbijetuar fëmija i parakohshëm ka nevojë për procedura invazive (kateteri, ventilim mekanik, drenazhim), të cilat janë një faktor rreziku i mëtejshëm dhe i pashmangshëm për infeksionet.

Lexoni edhe: A mund te parashikohet lindja e parakohshme?

Për të lënë një koment ju duhet të jeni regjistruar Identifikohu



Materiale te ngjashme

Etja e tepërt gjatë shtatzanisë:...

Nuk ka asgjë për t'u shqetësuar për aq kohë sa do të kuptoni kërkesat e trupit tuaj dhe do të rrisni sasinë e lëngjeve që merrni në përputhje me rrethanat...

5 arsye pse është mirë...

Lindja në qershor mund të ketë disa aspekte pozitive për nënat shtatzëna. Çdo muaj ka disa veçori për të cilat është mirë të lindësh një fëmijë. Por le të flasim...

Përfitimet nga gjimnastika në ujë...

Gjimnastika në ujë, një element që e bën aktivitetin të sigurt duke pasur parasysh mungesën e gravitetit, mund të jetë një ndihmë e madhe për gratë shtatzëna. Një studim i...

6 mite rreth operacioneve cezariane...

Një gjinekologe shumë e njohur në Spitalin Portland të Mbretërisë së bashkuar ka treguar se cilat janë mitet rreth operacionit cezarian, me të cilat ndeshen shumë gra. Dëgjimi i shumë...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X