Ditët e sotme, fëmijët janë më të prirur të kalojnë kohë ne ekranet e kompjuterit, celularëve e Ipad-ëve, sesa të lexojnë apo të luajnë me bashkëmoshatarët. Kufizimi i kohës që shpenzojnë në internet është një nga sfidat më të vështira të prindërve.

Ja disa rregulla për të pasur rezultate më të mira.

Mos harroni, këtë problem e keni edhe ju

Është shumë e vështirë t’i kërkosh fëmijës të mos qëndrojë gjatë në internet, ndërkohë që ju vetë bëni diçka të tillë. Duke kufizuar edhe ju kohën e qëndrimit në celular apo kompjuter, jeni duke vepruar në mënyrën më e mirë për të bindur edhe fëmijën, përmes shembullit, jo vetëm fjalëve.

Flisni shumë me fëmijën rreth kësaj teme

Fëmijët do t’ju binden më lehtë nëse kaloni kohë duke u shpjeguar efektet negative të qëndrimit në kompjuter ose celular. Ata duhet të kuptojnë arsyet pse kërkoni diçka të tillë, që të mos ndihen sikur po i penalizoni.

Mos përdorni asnjë pajisje teknologjike teksa hani

Ky duhet të jetë rregulli juaj i artë. Vaktet e ushqimit duhen konsideruar të shenjta, pasi gjithë familja mblidhet së bashku dhe është pothuajse i vetmi moment ku mund të diskutoni të gjithë me njëri-tjetrin për të rejat e ditës e për problemet. Këtu në asnjë mënyrë nuk duhet përdorur telefoni, por duhet të përqëndroheni tek ushqimi dhe tek njëri-tjetri.

Matni kohën që kaloni në internet

Nëse do të masni kohën që kaloni duke përdorur pajisjet teknologjike do të habiteni edhe vetë se sa gjatë qëndroni. Kjo mund të jetë mënyra më e mirë për tu ndërgjegjësuar.

Gjeni një aktivitet tjetër për të kaluar kohën

Dilni nga shtëpia bashkë me fëmijët dhe kryeni aktivitete të tjera, si për shembull luani futboll, basketboll, topadjegës apo sporte të tjera. Do të shihni se shumë shpejt do harroni për ekzistencën e botës virtuale.

Kontrolloni faqet ku navigojnë fëmijët

Duhet të tregoni kujdes në mënyrë që përmbajtja që shohin fëmjët tuaj në internet të jetë lehtësisht e monitoruar nga ju. Për shembull është mirë që aq kohë sa qëndrojnë në internet, të jenë përpara një kompjuteri ku ju e keni të lehtë t’i kontrolloni dhe jo në celular ku nuk mund t’i mbani plotësisht nën kontroll.

Qëndrimi në internet është privilegj, jo e drejtë

Duhet ta eduktoni fëmijën me këtë ide. Mund të praktikoni shpërblimin si një metodë, kur fëmija sillet mirë, ta lejoni të qëndrojë në kompjuter për disa minuta.

Lexo edhe: Si ta beni internetin nje mjedis te sigurt per femijen tuaj

Sorry, there are no polls available at the moment.

')}