X

Kryesore

Fëmijët ftohen më pak nëse lajnë duart më shpesh

Fëmijët mund të preken nga i ftohti 3-8 herë në vit: për ta parandaluar është e rëndësishme t’i mësoni fëmijëve të lajnë duart shpesh. Është rekomandimi i ekspertëve të Këshillit Global të Higjienës, sipas të cilit shumë infeksione te fëmijët mund të shmangen me masa parandaluese të thjeshta, sidomos duke larë duart shpesh.

Do të ishte e mjaftueshme që të lani duart më shpesh

Problemi është se shpesh prindërit dhe mësuesit nuk u mësojnë fëmijëve të sillen saktë nga kjo pikëpamje. Kjo është konfirmuar nga një studim i vitit 2012 i kryer në një mostër të nënave në gjithë botën. Në fakt, studimi zbuloi se vetëm në 44% të rasteve mësuesit u bëjnë thirrje nxënësve të lajnë duart pas lojës në mjedise të jashtme, në 60% të rasteve ta bëjnë atë para drekës dhe në 68% të rasteve pas hyrjes në banjo.

Nënat të shqetësuara

Hulumtimi gjithashtu zbuloi se një në tre nëna është e shqetësuar rreth infeksioneve të frymëmarrjes, të tilla si ftohjet dhe gripi sezonal. Në fakt, sipas Qendrave Amerikane për Kontrollin dhe Parandalimin e Sëmundjeve, në vitin 2012, 40% e fëmijëve të moshës 5 deri në 7 vjeç humbën 3 ose më shumë ditë të shkollës për shkak të të ftohtit.

Parandalimi është i rëndësishëm

Për të parandaluar ftohjen, është e rëndësishme për prindërit t’u mësojnë fëmijëve të tyre disa rregulla të thjeshta të higjienës. Para së gjithash, lani duart shpesh, sidomos pas shkuarjes në banjo dhe para ngrënies. Në këtë mënyrë, çdo mikrob që mund të mbërrijë lehtë në gojë, mund të eliminohet. Në rast të kollitjes ose teshtitjes, mbrojeni veten me një shami në vend të dorës. Së fundmi, mbaj një distancë të caktuar nga shokët që janë të prekur nga ftohja.

Për të luftuar ftohjet, prindërit duhet ta stimulojnë fëmijën të pijë sa më shumë lëngje, veçanërisht pije të nxehta, ndoshta të ëmbla me mjaltë: hidratimi është një ilaç, i aftë të lëngëzojë mukozën dhe sekrecionet.

Lexoni edhe: Sa here ne dite dhe si duhet t’i lajne duart femijet?

Comments

comments

Loading...
Me shume ne: Kujdesi ndaj femijes
femije celular
Alarmi: Mos i lini kurrë fëmijët vetëm të luajnë në internet

Rreziku që u vjen fëmijëve nga përdorimi i internetit nuk lidhet vetëm me pasojat psikologjike dhe fizike që ata do...

Close