Një fëmijë 6 muajsh mjafton të shikojë fytyrën e nënës dhe babait për të parë nëse janë të lumtur, e vërtetuar kjo sipas një studimi të kryer në Universitetin e Gjenevës në Zvicër. Ja se çfarë zbuluan shkencëtarët zviceranë.
Dekodoni shprehjet
Për zhvillimin e aftësive të tilla si njohja e emocioneve, muajt e parë të jetës janë vendimtare kur fëmijët fillojnë të dallojnë lumturinë nga trishtimi, frika apo zemërimi. Fëmijët 6 muajsh përmirësojnë aftësitë e tyre, duke dalluar shprehjet e fytyrës. Në përgjithësi foshnjat preferojnë të shikojnë fytyra të buzëqeshura dhe të dëgjojnë zëra të lumtur.
Teknika e ndjekjes së syve
Në një test të parë, të dedikuar për familjarizimin e zërave, fëmijët u vendosën përpara një ekrani të zi për të dëgjuar një zë që shprehte lumturinë, zemërimin ose asnjë emocion. Në pjesën e dytë, duke u fokusuar në mësimin vizual, ata u përballën me dy fytyra emocionalisht të ndryshme: një e lumtur, tjetra e zemëruar. Hulumtuesit përdorën teknologjinë e ndjekjes së syve për të vëzhguar lëvizjet e syve të fëmijëve dhe përcaktuan nëse koha e kaluar duke parë në njërën nga dy fytyrat, ose tipare të veçanta si goja apo sytë, do të ndryshonte sipas të zërit që kishin dëgjuar.
Nga zëri te fytyra
Në fund të testeve ata panë se pas dëgjimit të zërit neutral ose zemërimit, fëmijët nuk treguan preferencë për as fytyrën. Ndërsa, kur kishin dëgjuar zërin e lumtur, ata kaluan më shumë kohë duke parë fytyrën që shprehu zemërimin, në veçanti gojën. Rezultatet tregojnë se fëmijët 6 muajsh janë në gjendje të njohin emocionet, të transferojnë informacion rreth lumturisë nga kanali i dëgjimit në kanalin vizual dhe janë në gjendje të njohin lumturinë dhe të dallojnë emocionet, duke lidhur zërin me shprehjen emocionale në një fytyrë.
Lexo edhe: Ndikimi negativ i familjes ne emocionet e femijes
Për të lënë një koment ju duhet të jeni regjistruar Identifikohu