A është fëmija im shumë i ndjeshëm?

Nëse fëmija juaj ndikohet lehtësisht nga mjedisi rreth tij, qan shpejt dhe është tepër i ndjeshëm ndaj emocioneve të njerëzve të tjerë, atëherë mund të thoni se po rrisni një fëmijë shumë të ndjeshëm.

“Fëmijët shumë të ndjeshëm marrin stimuj shumë më lehtë nga shqisat e tyre si prekja, dëgjimi, shikimi dhe reagojnë shumë shpejt ndaj këtyre stimujve”, shpjegon psikiatri Lim Boon Leng.

Ai shton se ndjeshmëria dhe nervozizmi janë të dukshme edhe kur fëmija është vetëm pak muajsh. “Nëse ndjeshmëria është shumë e lartë, është më mirë të kërkohet ndihmë nga profesionistët e shëndetit mendor”, – këshillon ai.

Si mund ta ndihmoj fëmijën tim?

Një fëmijë shumë i ndjeshëm kërkon shumë durim, kujdes dhe vëmendje. Këtu janë disa mënyra në të cilat prindërit mund t’i ndihmojnë ata:

1. Pranojeni këtë tipar të tyre

Hapi i parë është të pranoni që fëmija juaj, ndryshe nga të tjerët është shumë i ndjeshëm. Tregojini që i doni dhe i mbështesni.

2. Kuptoni shkaktarët

A bëhet fëmija i ndjeshëm nga zhurmat, nga takimet me të huajt, kur gjendet në turma të mëdha, kur provon gjëra të reja? Vëzhgoni dhe identifikoni çfarë e bën fëmijën të reagojë fuqishëm. Duke i shmangur këta shkaktarë, mund ta ndihmoni fëmijën të ketë kontroll mbi shqisat dhe emocionet.

3. Mësojni fëmijës se si të qetësohet

“Mos qaj””Qetësohu” janë fraza që nuk funksionojnë me fëmijët apo me këdo që është duke u përballur me një vështirësi. Më mirë këshillojini të marrin frymë thellë dhe sigurojini se gjithçka do të kalojë e shumë shpejt do të ndihen më mirë.

4. Bisedoni me ta

Disa fëmijë nuk mund të dinë se ku qëndron problemi apo si ta shprehin verbalisht atë që ndiejnë, kështu që frustrohen dhe reagojnë në të vetmen mënyrë që dinë, duke qarë. Pyeteni gjithmonë fëmijën si ndihet, përse reagoi në atë mënyrë etj që të kuptoni më shumë rreth asaj që ndien.

5. Mësojini disiplinën

Të gjithë fëmijët, madje edhe ata shumë të ndjeshëm, duhet të mësojnë nga gabimet, të dinë se çfarë mund ose nuk mund të bëjnë dhe cilat janë kufijtë dhe rregullat që duhet të ndjekin. Megjithatë, për shkak të natyrës së tyre, fëmijët shumë të ndjeshëm do ta kenë më të vështirë t’i përmbahen rregullave.

Lexo edhe: A kane te porsalindurit emocione?

Sorry, there are no polls available at the moment.

')}