Udhëtimi me një fëmijë mund të jetë i lodhshëm dhe të krijojë bezdi tek personat e tjerë. Kështu mendonte dhe një baba për vajzën e tij çapkëne kur hipi në avion. Por, për befasinë e tij, ai u përball me një njeri që i ndryshoi gjithë perceptimin e deriatëhershëm.

Një person i panjohur, nuk u bezdis aspak nga vajza e vogël, madje bëri diçka që babai i voglëushes dëshiroi ta ndante me të gjithë në rrjetet sociale për të treguar se në botë ka ende njerëz shumë të mirë.

Vajzës së tij i pëlqente që në avion të përshëndeste këdo, të njohur e të panjohur. Kur arriti te zotëria në fjalë, ai edhe pse nuk e njihte i zgjati dorën dhe e pyeti nëse dëshironte të qëndronte me të.

Vajza pranoi dhe ai e lejoi të luante me tabletin e tij, të shikonte foto, karikatura dhe shumë gjëra të tjera argëtuese.

Babai tregon se duke parë këtë skenë, u gëzua shumë sepse kështu do ta rrisë të bijën me shumë dashuri, me njerëz të botëve, racave e kulturave të ndryshme, të gjithë në harmoni me njëri-tjetrin.

“Faleminderit që i tregove vajzës sime se çfarë është dashuria dhe dashamirësia. Vazhdo të ndriçosh botën me dritën tënde”,- ka shkruar ai.

Lexo edhe: Si t’ja bej nese femija qan ne avion?

Sorry, there are no polls available at the moment.