Po publikojme pergjigjet e radhes per pyetjet që i janë drejtuar mjekes Enriketa Kroi. Nëse keni një shqetësim mund të dergoni pyetjen tuaj në faqen tone apo në koment.

Pyetja e pare

Përshendetje! Kam 5 muaj që kam lindur dhe pas lindjes kur më kruhet trupi apo fytyra më krijohet një fryrje e madhe në atë zonë pasi e kruaj. Mendoni se mund të jetë një infeksion që e kam marrë gjatë lindjes me operacion? Kisha edhe një pyetje tjetër të lutem, në anën e djathtë të vitheve gati ngjitur me zonën e legenit e ndiej pak si mish të huaj sikur nuk është pjesë e imja dhe më rri e mpirë. Ndodh kështu që pas lindjes.

Përgjigjet mjekja

Nëse e kam kuptuar qartë, ajo qe ju ndodh ju, pas kruarjes quhet dermografi. Në fakt është e lidhur me elemente alergjike të trupit tënd, te cilët mund të precipitojnë pas një lindje, pra nuk kanë lidhje me inflamacionin. Përsa i perket, mpirjes që ndien në zonën e pasme, natyrisht qe vjen si pasoje e mos funksionimit te mire te neuroneve që inervojne ate zonë. Kjo mund të shkaktohet nga ndryshime të kurbatures të shtyllës kurrizore në mënyrë të menjëhereshme pas daljes së bebit.

Pyetja e dyte

Përshendetje doktoreshë! Gjatë gjithë ditës e ndiej barkun shumë të fortë por bebi lëviz gjithë ditën. A ka ndonjë problem?

Përgjigjet mjekja

Nëse nuk ndien tkurrje që fillojnë dhe mbarojnë në mënyrë periodike atëherë nuk ka gjë per tu shqetësuar. Përveç rasteve kur barku i fortë është edhe i dhimbshëm, në këtë rast duhet bërë menjehere kontroll me mjekun tuaj.

Pyetja e trete

Përshendetje! Kam pasur dy aborte spontane dhe tani më thanë që kam një puçërr. Si është më mirë ta heq me djegie apo me operim? Faleminderit!

Përgjigjet mjekja

Puçrra mund të jete në disa stade. Në varesi të ndryshimeve qelizore që ka ajo, ne percaktojmë nëse duhet ‘djegur’ apo hequr me intervent. Gjithsesi mirë eshte ta heqesh këtë zone të dëmtuar para shtatzanisë tjetër.

Pyetja e katert

Përshendetje! Periodat këtë muaj më kanë ardhur 7 ditë më parë por problemi është se nuk i kisha të rregullta si zakonisht. Më ndjenjtën pak, vetëm 3 ditë dhe më erdhën sërish për 3 ditë. Më pas më zgjatën 13 ditë si të zeza dhe në sasi të vogël. Përdor prej 3 muajsh medikamente kundër shtatzanisë.

Përgjigjet mjekja

Përsa kohë perdor kontraceptivë urgjence natyrisht cikli menstrual çrregullohet. Nëse je duke perdorur konrtraceptive 21 ditore ateherë me siguri do të kesh harruar ndonje ditë pa marrë pilulen. Nëse nuk është asnjëri nga variante e mësipërm, atehëre duhen ndërprerë kontraceptivet dhe duhet lënë cikli të stabilizohet normalisht.

Pyetja e peste

Përshendetje! Nëse je me rhezus negative cilat janë analizat që duhen bërë para shtatzanisë?

Përgjigjet mjekja

E vetmja analizë eshte titri i imunizimit ose Coombs direkt/indirekt.

Pyetja e gjashte

Përshëndetje doktoresh! Unë nuk jam ende nënë por nuk kam cikël të rregullt dhe kam marrë kontraceptivët yasmin dhe kam pasur përmirësim. Tani doja të dija a ka rrezik përdorimi i tyre për një shtatzani të mëvonshme?

Përgjigjet mjekja

Ke bëre mirë që ke perdorur kontraceptive për të stabilizuar ciklin. Nëse dëshiron shtatzani, zakonisht ajo vjen menjeherë pas ndërprerjes së kontraceptivëve.

Lexo edhe:

Pergjigjet e pyetjeve te dates 1 nentor nga Enriketa Kroi

 

 

')}