Marrëdhënia e adoleshentëve me video-lojërat është pothuajse e pandashme. Në fakt në një sondazh të kryer kohët e fundit në SHBA rreth 97% e të gjithë adoleshentëve luajnë me video-lojëra të paktën 1 orë në ditë.

Por si ndikojnë video-lojërat në zhvillimin e tyre?

Kohët e fundit në fokus kanë qenë efektet negative që video-lojërat kanë te adoleshentët. Shumë studime kanë vërtetuar se adoleshentët që kalojnë shumë kohë duke luajtur video-lojëra krijojnë varësi ndaj tyre, bëhen më agresiv, kanë rezultate të ulta akademike dhe janë më pak të shëndetshëm se adoleshentët që e kalojnë kohën e lirë duke u marrë me sporte apo duke u socializuar.

Por a do të thotë kjo se nuk duhet t’i lejojmë fëmijët tanë të luajnë video-lojëra? Çuditërisht Jo! Sigurisht që efektet negative të video-lojërave mund t’ju frikësojnë por shumica e këtyre efekteve shfaqen vetëm nëse fëmijët kalojnë shumë kohë duke luajtur me to. Por nëse ata nuk luajnë gjatë gjithë kohës me to por vetëm 2 apo 3 orë në javë, ata do të kenë shumë përfitime nga këto video-lojëra.

Disa prej këtyre përfitimeve janë:

1. Përmirëson koordinimin e duarve me sytë

Studimet kanë treguar se adoleshentët mund të mësojnë një koordinim perfekt të duarve me sytë duke luajtur video-lojëra.

2. Përmirësojnë shpejtësinë e të menduarit dhe saktësinë

Aksioni në video-lojëra i bën lojtarët që të marin vendime të rëndësishme në një kohë shumë të shkurtër. Ato gjithashtu kërkojnë përqëndrim të lartë për tu përshtatur me ndryshimet e vazhdueshme gjatë lojës. Kjo gjë i ndihmon adoleshentët të mendojnë më shpejt për të llogaritur mundësitë dhe për të zgjedhur opsionin më të sigurt me një saktësi shumë të lartë.

3. Përmirëson aftësinë për zgjidhjen e problemeve

Studimet tregojnë se video-lojërat i ndihmojnë adoleshentët të zhvillojnë aftësi më të mira për zgjidhjen e problemeve. Duke luajtur lojëra të tipit strategjik adoleshentët do ta zhvillojnë më shumë këtë aftësi kaq të rëndësishme nga e cila varet dhe suksesi i tyre në jetë.

4. Përmirësojnë gjendjen emocionale

Disa video-lojëra si Angry Bird dhe Bejewelled u japing lojtarëve të tyre një ndjesi lumturie dhe i ndihmojnë të qetësohen. Këto lojëra i mësojnë fëmijëve edhe si të përballojnë dështimet me të cilat mund të përballen gjatë jetës së tyre.

5. Janë edukative

Video-lojërat edukative i mësojne fëmijëve aftësi të nevojshme të cilat ata i përdorin edhe në shkollë si gramatika apo matematika. Gjithashtu lojërat pro-sociale u mësojnë empati fëmijëve.

Sigurisht që këto përfitime varen shumë dhe nga zgjedhja e video-lojërave. Video-lojërat e dhunshme dhe ato me përmbajtje seksuale kanë më shumë efekte negative sesa pozitive ndaj është mirë që fëmijët tuaj të qëndrojnë larg tyre.

Lexoni dhe: Femijet nga familjet me te ardhura te ulta ekonomike kalojne me shume kohe perpara televizorit.

')}