Personat e dashuruar me çokollatën e zezë duhet të jenë të lumtur për rezultatin e një kërkimi të fundit portugez, sipas të cilit çokollata e zezë sjell përfitime për sistemin e qarkullimit të gjakut. Studimi, i botuar në revistën shkencore Nutrition, tregoi se ngrënia e çokollatës së zezë ul presionin e gjakut dhe relakson enët e gjakut, duke përmirësuar funksionin kardiovaskular.
Një mostër e vogël
Kampioni i përzgjedhur prej 30 personash, duke filluar nga mosha 18 deri 27 vjeç, u nda në dy grupe. Për një muaj, të gjithë pjesëmarrësit hanin 20 gramë çokollatë të zezë. Ajo që ndryshonte ishte sasia e kakaos dhe epikatekinës që përmbante çokollata:
Në grupin e parë të dy komponentët ishin më të ulëta;
Në grupin e dytë më të larta.
Për çdo pjesëmarrës, parametrat e funksionit vaskular dhe kardiak u vlerësuan para dhe pas dietës.
Rezultatet
Në fund të hulumtimit u vërejt një funksionalitet më i mirë i zemrës në grupin e dytë. Në atë që kishte konsumuar çokollatën e zezë me përmbajtje më të lartë kakaoje. Efektet e dobishme janë zbuluar në parametra të ndryshëm si:
– bashkim ventrikular-arterial që vlerëson ndërveprimin ndërmjet zemrës dhe enëve të gjakut dhe tregon efikasitetin kardiovaskular;
– zvogëlimin e presionit të gjakut;
– është rritur relaksimi vaskular;
– funksionalitet më i mirë i endotelit.
Merita e antioksidantëve
Efektet e dobishme të çokollatës së zezë për shëndetin do të rrjedhin nga antioksidantët e pranishëm në sasi të mëdha.
Lexo edhe: Pak cokollate me lajthi ne dite mbron zemren
Për të lënë një koment ju duhet të jeni regjistruar Identifikohu