Në fund të një dite pune, e vetmja gjë që dëshiron një nënë është të vrapojë drejt fëmijës së saj për të kaluar kohë me të.
Por, në momentin që shkoni në shtëpi, realiteti është ndryshe nga ai që dëshironi. Duhet të përgatisni darkën, të bëni gati drekën për ditën e nesërme, e një sërë detyrimesh derisa të vijë koha e gjumit. Sërish do të kuptoni se koha ishte e pamjaftueshme dhe ju nuk e shfrytëzuat për të qëndruar me fëmijën, për t’i falur dashuri e për ta argëtuar.
Sipas një studimi të ri, zgjidhja ideale është që nënat t’i lejojnë vetes fleksibilitet, pa u ndjerë të detyruara të përfundojnë gjithçka brenda afateve që i përcaktojnë vetë.
“Nënat duhet të kenë parësore kohën me fëmijët për t’i argëtuar dhe për t’i dhënë dashuri. Kjo do t’i bëjë më energjike, do t’i mbushë me pozitivietet dhe do të arrijnë të përmbushin edhe detyrat e tjera. “- thonë studiuesit.
Shkencëtarët nga Belgjika analizuan 126 nëna gjatë ditëve të tyre të para kur ishin kthyer në punë pas lindjes. Studiuesit zbuluan se nënat më të lumtura ishin ato që nuk tregoheshin kritike ndaj vetes. Ndërkohë nënat që ishin më të stresuara dhe në ankth, ishin ato që i ushtronin vetes shumë presion për përfundimin e të gjitha detyrave.
“Balancimi i kërkesave të punës dhe angazhimeve familjare kërkon shumë fleksibilitet, që mund të mungojë tek nënat të cilat janë kritike të ashpra ndaj vetes. Këto nëna përpiqen t’i përmbahen fort standardeve të vetëvendosura dhe nuk kanë fleksibilitet në përmbushjen e detyrimeve”, – shpjegojnë studiuesit.
Siç sugjeron ky studim, gjëja që duhet të bëjnë nënat kur kthehen nga puna është të largojnë mentalitetin e punëve të shtëpisë dhe të përqafojnë mentalitetin e qëndrimit me fëmijët. Dilni shëtitje, shtrihuni në dysheme, dilni me miqtë tuaj. Kjo do t’ju mbushë me pozitivitet dhe energji për të përfunduar detyrat e tjera.
Lexo edhe: Grate me te pakenaqura ne ditet e sotme, e rrezikshme per shendetin
Sorry, there are no polls available at the moment.')}
Për të lënë një koment ju duhet të jeni regjistruar Identifikohu