Një grup nënash nga Teksasi, u ngritën në mbrojtje të një tjetre, pasi e përzunë nga një pishinë publike sepse po ushqente fëmijën me gji. Kështu, nënat e tjera organizuan në protestë për temën e gjidhënies.
Mamaja në fjalë, Misty Daugereaux, tha se një kujdestare iu afrua, teksa ajo po ushqente fëmijën 10 muajsh me gji.
“Ajo tha se duhet të mbulohesh ose të largohesh. Më dha ultimatum”, kujton Daugereaux.
“Dhe unë i thashë: Epo, më trego rregulloren tuaj ku duhet të mbulohem dhe unë do të largohem. Ajo më tregonte se nuk ishte e drejtë, se duhej të mbulohesha. Ishte politika e tyre. Dhe unë i thashë: Epo, mund të marrësh në telefon kë të duash, por unë nuk do të ndaloj së ushqyeri me gji djalin tim”.
Përfundimisht, kujdestarja mori policinë dhe Daugereaux, së bashku me nipin e saj dhe dy djemtë, u larguan nga pishina.
Daugereaux bashkohet me një numër fatkeqësisht të lartë të grave që janë turpëruar për ushqyerjen e fëmijëve me gji në ambiente të ndryshme si aeroplanë, aeroport, parqe, restorante, klinika dentare, shkolla fillore, dhoma urgjence etj.
Të nesërmen, afërsisht gjashtë gra shkuan në pishinë dhe ushqyen fëmijët e tyre me gji si një akt sfide.
Ligji i Teksasit thotë se “Një nënë ka të drejtë të ushqejë me gji në çdo vend, qoftë publik, në të cilin ajoduhet të kryej këtë detyrë të shenjtë”.
Për të lënë një koment ju duhet të jeni regjistruar Identifikohu