Pasi lind një fëmijë, nëna dhe fëmija janë pothuajse të pandashëm me njëri-tjetrin, qoftë në orët e tyre të zgjimit apo në kohën e gjumit. Dhe fjetja bashkë me bebin është pjesë e shumicës së kulturave. Kjo mund të duket mjaft e natyrshme duke pasur parasysh se foshnjat mbështeten gjerësisht tek nëna për të gjitha nevojat e tyre. Megjithatë, vitet e fundit fjetja bashkë me bebin është kritikuar për shkak të rreziqeve të mundshme që mund të paraqesë.

Por çfarë duhet të keni parasysh lidhur me këtë situatë?

1.Nuk ka nevojë për mbështetje nga jastëkët. Sa herë që një nënë e vendos fëmijën e saj të vogël në një krevat, ajo vendos plot jastëkë dhe batanije rreth e qark tij në mënyrë që bebi të jetë i sigurt. Megjithatë, këta jastëkë dhe batanije bëhen një rrezik i madh për mbytje. Por kur fëmija juaj fle me ju, ju do të eliminoni nevojën për këto gjëra. Çfarë mund të jetë një mbështetje më e mirë sesa vetë nëna?

2.Përmirësoni kontaktin lëkurë në lëkurë. Kontakti lëkurë në lëkurë midis nënës dhe të porsalindurit konsiderohet të jetë shumë thelbësor për zhvillimin e përgjithshëm të fëmijës. Bebet nuk mund të shprehen, por ata ndjehen më të sigurt kur janë afër nënave të tyre.

3.Jo të gjitha statistikat janë të sakta. A ju shqetësojnë studimet e kohëve të fundit për rreziqet që mbartni nëse flini bashkë me bebin? Ju do të duhet të kuptoni se jo të gjitha sondazhet e tilla janë të sakta. Këto përgjithësisht bazohen në pyetësorët dhe shumica e nënave nuk janë të kënaqura me pranimin e fakteve. Ju mund të merrni disa këshilla në konsideratë, por mos merrni rezultatet e sondazheve sikur janë “fjala e fundit” rreth një çështjeje.

4.Instinkti i nënës. Shqetësimi më i madh i fjetjes bashkë me bebin bazohet në supozimin se një nënë e lodhur mund të përfundojë duke u rrokullisur dhe duke mbytur të voglin e saj. A është kjo e mundur? Ndoshta. Megjithatë, instinktet mbrojtëse të nënës ndaj fëmijës së saj janë shumë të forta. Pra, është shumë e paimagjinueshme që ajo të paraqesë një kërcënim kur ajo është e aftë të zgjohet me një tingull të vetëm të bebit. Megjithatë, nëse jeni e shqetësuar, sigurohuni që ta vendosni fëmijën tuaj në një largësi të sigurt me ju ose në një krevat fëmijësh gjatë ditëve që jeni shumë të lodhura.

5.Ndihmon në ushqyerjen e foshnjës. Bebet e kanë stomakun e vogël që mbushet aq lehtë sa zbrazet, gjë që padyshim i bën ata të zgjohen shpesh gjatë natës. Fjetja bashkë ju ndihmon të ushqeni fëmijën menjëherë sapo bebi e kërkon, pa pasur nevojë të ngriheni nga shtrati ose të përkuleni për të ushqyer fëmijën tuaj.

6.Ju mund të përgjigjeni menjëherë për nevojat e tij. Meqenëse imuniteti i foshnjave është ende duke u ndërtuar, kjo bën që ata të sëmuren shpesh. Gjatë periudhave të tilla kur fëmija juaj mund të vuajë nga ethet ose sëmundje të vogla, të qenurit pranë tij/saj, i jep fëmijës një ndjenjë sigurie.

7.Nëna mund të flejë më mirë. Sipas një studimi, nënat që flenë bashkë me foshnjat e tyre kanë tendencë për të fjetur shumë më mirë. Megjithëse ato zgjoheshin shpesh për të ushqyer bebin, hulumtimi arriti në përfundimin se nënat që ushqenin me gji flinin më shumë kur e ndanin krevatin e tyre me të porsalindurin.

8.Fjetja në një krevat së bashku me bebin është e zakonshme në disa kultura. Siç u përmend në fillim të këtij artikulli, fjetja së bashku me bebin është mjaft e zakonshme në shumicën e kulturave, veçanërisht në vendet e Azisë dhe Azisë Lindore si India, Japonia, etj, pa ndonjë pasojë madhore fatale. Në fakt, një studim zbuloi se nënat në disa kultura flinin me fëmijët e tyre deri në moshën 3 vjeçare, pa efekte negative në sjelljen e fëmijës ose aftësitë njohëse të tij.

9.Kur duhet ta shmangni? Nëse keni kaluar nëpër një procedurë të ndërlikuar të lindjes ose një operacion që ka pasur nevojë për përdorimin e anestezisë, është e këshillueshme që të shmangni fjetjen me fëmijën tuaj. Disa ilaçe dhe anestezia kirurgjikale mund t’ju lënë me një efekt të përgjumjes, që provon të jetë potencialisht e dëmshme për fëmijën tuaj. Në një situatë të tillë, sigurohuni që bashkëshorti juaj ose një anëtar i familjes, të kujdeset për fëmijën.

10.Përmirëson lidhjen mes prindërve dhe fëmijës. Në kohën e sotme, ku të dy prindërit mund të punojnë, gjetja e kohës së lidhjes familjare mund të bëhet një luks. Dhe këtu mund të ndihmojë procesi i të fjeturit bashkë. Kur të shkoni në dhomën tuaj të gjumit në fund të ditës, ju i keni bërë të gjitha punët dhe jeni më të relaksuara. Nëse fëmija fle me juve, ju ndihmon që të lidheni më mirë si një familje.

Lexo edhe: Femija zgjohet sapo e vendos ne krevat, cfare te bej?