Dëmet e duhanpirjes në shtatzëni kanë qenë të njohura për një kohë të gjatë: nga rreziku i lindjes së parakohshme deri tek ai i abortit spontan, deri tek vdekja. Megjithatë, rreziqet që lidhen me pirjen e duhanit nga meshkujt janë më pak të njohura. Baballarët gjithashtu duhet të ndalojnë pirjen e duhanit, të paktën gjatë shtatzënisë së partneres së tyre. Kjo sugjerohet nga një studim i Universitetit Qendror Jugor të Changsha (Kinë), i cili tregoi se sasia e substancave toksike që vihen në kontakt me të porsalindurin është shpesh më e madhe se ajo e fëmijëve të ekspozuar ndaj nënave duhanpirëse.
Rreziku i keqformimeve të zemrës
Analizat treguan se ka një lidhje mes ekspozimit të foshnjës ndaj duhanpirjes pasive dhe rrezikut të sëmundjeve të zemrës tek fëmijët. Doli në pah se rreziku më i lartë ndodh kur duhanpirësi është babai i ardhshëm. Fëmijët e lindur nga prindërit duhanpirës (një ose të dy) kanë një rrezik më të lartë të zhvillimit të një defekti septal atrial (i cili lejon gjakun të shkëmbehet mes dy gjysmave të zemrës) ose pengimin e arteries pulmonare. Shumë substanca të lëshuara nga tymi i cigareve janë të afta për të përcaktuar keqformimet në një nivel embrional.
Ndaloni përpara konceptimit
Një grua duhet të ndalë duhanpirjen edhe para se të ngelet shtatzënë, për të siguruar që ajo ka eliminuar të gjitha substancat toksike nga trupi i saj në kohën e konceptimit. Gjithashtu është e rëndësishme të mbahet një distancë e sigurt nga duhanpirësit: në shtëpi ose në punë. Qëllimi duhet të jetë synimi për ekspozimin zero ndaj pirjes së duhanit pasiv.
Deri tani, baballarët nuk e kishin konsideruar rolin potencialisht të dëmshëm të pirjes së duhanit në shëndetin e fëmijës ende të palindur. Por, siç tregojnë studimet, ata janë burimi i parë i duhanpirjes pasive.
Lexo edhe: Duhanpirja ne shtatzani, femijet hyjne me heret ne pubertet
Për të lënë një koment ju duhet të jeni regjistruar Identifikohu