Ditëlindja në kopsht, atje ku fëmija mund të konsumojë gjëra që në jetën e përditshme që ju ndoshta nuk ja lejoni, dhe të mendojmë se kjo gjë ndodh shpesh duke qënë se grupi ka shumë fëmijë. Atëherë si duhet të veprohet në këtë rast? Cili është mendimi i prindërve të faqes tonë? Për të mësuar më tepër, kemi trajtuar në “Koha të bisedojmë” pikërisht këtë temë.
Si janë shprehur nënat?
- Mendoj se më mirë do të ishte që ditëlindjet të mos festoheshin fare në kopsht. Më ka ndodhur njëherë që vajza ngeli pa ngrënë pasi kishte konsumuar tortën dhe kur e mora në shtëpi ishte e pafuqishme, i vinte për të vjellë. Pra ndikojnë keq në ushqyerjen e fëmijës.
- Mendoj se ditëlindjet duhet të festohen në një mënyrë tjetër, duke luajtur dhe duke u argëtuar pa sjellë ushqime dhe pije nga jashtë pasi të gjitha familjet kanë rregullat e tyre në të ushqyerin e fëmijës. Ose mendoj se prindërit mund të përgatisin vetë në shtëpi byrek dhe ëmbëlsira që fëmijët t’i konsumojnë.
- Në Itali ku jetoj unë nuk lejohet ushqim nga jashtë dhe festat organizoghen në park me lodra dhe animatorë, fëmijët janë të shoqëruar nga prindërit dhe kështu kanë mundësi të njihen me njëri-tjetrin.
- Tek kopshti i vajzës time lejojnë vetëm një tortë të vogël, asgjë tjetër dhe absolutisht jo ushqime nga jashtë.
- Prindërit duhet të vendosin ëmbëlsirat në qese kështu fëmija i merr me vete në shtëpi dhe nëse ka dëshirë familja e lejon të hajë.
Kanë të drejtë këto nëna? Sigurisht që po! Si do të sillet fëmija në rast se do të mbushë barkun e vogël me tortë, karamele, dhe plot ëmbëlsira të tjera? Do të refuzojë supën me mish dhe perime, pra kjo gjë ndikon negativisht në shëndetin e fëmijës. Nga ana tjetër shumë prindër nuk janë dakord që fëmija i tyre të konsumojë ushqime jo të shëndetshme edhe në raste festash, dhe këtë nuk mund të mos e respektojë stafi i kopshtit.
Cila do të ishte zgjidhja më e mirë?
Ashtu si e ka thënë edhe një nënë më lart prindërit mund të paketojnë qerasjet në qese dhe fëmija i merr me vete në shtëpi. Një zgjidhje tjetër do të ishte të përgatisnit vetë biskota, fruta në gota plastike, kos me fruta, akullore të bërë vetë (nëse është verë), lëngje frutash, kek dhe kështu fëmija mund t’i konsumojë edhe në kopsht.
Përsa i përket orarit do të ishte mirë që festa të organizohej herët në mëngjes në mënyrë që edukatoret të mos detyrohen të prishin rutinen e gjumit dhe ushqyerjes së fëmijëve. Pra edhe pse vogëlushi juaj feston (dhe te bëhet 100 vite të tjera), rregullat e kopshtit duhen respektuar dhe mbi të gjitha puna e stafit nuk duhet të pengohet.
Festimet më të zgjatura mund t’i bëni pasi fëmija të kthehet në shtëpi. Një tjetër alternativë? Të ftoni fëmijët dhe prindërit e tyre bashkë me edukatoret dhe pasdite të festoni në një lokal apo kënd lojërash.
Përsa i përket orarit do të ishte mirë që festa të organizohej herët në mëngjes në mënyrë që edukatoret të mos detyrohen të prishin rutinen e gjumit dhe ushqyerjes së fëmijëve. Pra edhe pse vogëlushi juaj feston (dhe te bëhet 100 vite të tjera), rregullat e kopshtit duhen respektuar dhe mbi të gjitha puna e stafit nuk duhet të pengohet.
Festimet më të zgjatura mund t’i bëni pasi fëmija të kthehet në shtëpi. Një tjetër alternativë? Të ftoni fëmijët dhe prindërit e tyre bashkë me edukatoret dhe pasdite të festoni në një lokal apo kënd lojërash.
Nga nenat pernenat
')}
Për të lënë një koment ju duhet të jeni regjistruar Identifikohu