Chrissy Teigen thotë se djali i saj, Jack, do të kishte lindur këtë javë.

Kjo deklaratë e thjeshtë po bën jehonë për nënat në të gjithë botën që kanë përjetuar njësoj si ajo thyerjen e zemrës nga aborti i fëmijës së tyre dhe më pas hidhërimin për të jetuar në datën e lindjes së foshnjës së tyre.

“Jacku im i vogël do të kishte lindur këtë javë, kështu që unë jam pak e trishtuar,” shkroi Teigen në Twitter. “Unë me të vërtetë ndiej goditje në bark, por nuk është fantazmë. Nesër kam ndërhyrjen kirurgjikale për endometriozë … por ajo që ndiej këtë muaj është saktësisht si goditje fëmijësh”.

Teigen gjithashtu ndau një video të barkut të saj të zhveshur, ku shikuesit mund të shohin “goditjet” e vogla që ajo po përjeton.

“Shikoni këtë … Unë do vazhdoj të pretendoj se ai po më përshëndet – nuk ndalet kurrë,” shtoi ajo.

Vjeshtën e kaluar, Teigen ndau me gjithë botën humbjen shkatërruese të shtatzanisë së saj.

Ajo ishte në gjysmë të shtatzanisë së saj të tretë, e cila ishte me rrezik të lartë dhe e komplikuar nga problemet e placentës, kur përjetoi humbjen e djalit të saj, për të cilin kishin zgjedhur emrin Jack.

Prej asaj kohe, Teigen vazhdimisht ka ndarë momente nga jeta e tyre familjare pas humbjes së vogëlushit duke treguar se po e kalon këtë kohë duke menduar si do të kishte qenë po mos ishte ndërprerë shtatzania, e të vazhdonte të mbante në bark fëmijën e saj të tretë.

Teigen dhe Legend janë prindër të Luna Simone, 4 vjeç dhe Miles Theodore, 2 vjeç.

Lexo edhe: Modelja humb foshnjën që priste, publikon foto me të në krahë