Konsumimi i vajit të ullirit, peshkut, frutave dhe perimeve, ushqime këto tipike të dietës së një fermeri, janë një ilaç për shëndetin në përgjithësi dhe për parandalimin e diabetit në veçanti. Një studim promovon vajin e ullirit, peshkun dhe fibrat në tërësi, duke hequr nga menuja gjalpin, mishin e kuq dhe vajin e palmës.

Dietë e shëndetshme për zemrën dhe diabetin

Sipas Giorgio Sesti, presidenti i Shoqërisë Italiane të Diabetologjisë, “dieta e fermerit” që përfshin të gjitha ushqimet tipike të dietës së Mesdheut, do të kishte efekte riparuese në enët e gjakut, me një efekt konsekuent parandalues të ndërlikimeve kardiovaskulare tek diabetikët.

Ushqimet që duhet të konsumohen

Vaj i ullirit: stimulon procesin e mbrojtjes së arteriosklerozës.

Fibrat: të gjendura tek bishtajoret, perime dhe sallatat, ngadalësojnë thithjen e sheqernave të thjeshta që përmbajnë ëmbëlsira, makarona dhe bukë, por edhe thithjen e yndyrave me efekt anti-kolesterol.

Peshku: rritja e konsumit të peshkut, është e rëndësishme për shkak të përmbajtjes së lartë të acideve yndyrore të pangopura omega 3, që gjenden tek ai.

Polifenolët: gjenden tek lëvozhga e mollës, çaji jeshil dhe tek disa përbërës të kafesë. Ata nuk duhet të mungojnë në dietën ditore për shkak të efektit të tyre si kontrollues të glukozës në gjak.

Makaronat: Edhe pse në sasi të kufizuara, ato gjithashtu mund të konsumohen nga diabetikët. Preferohet njëlloj si për bukën të përdorni makarona integrale.

Ushqimet që nuk duhen përdorur

Mishi i kuq, sheqernat dhe yndyrat: konsumi i tepruar i mishit të kuq, fruktoza (sheqeri që gjendet në pije dhe fruta) dhe gjalpi rrisin rrezikun e zhvillimit të diabetit brenda 4 viteve me 400%.

Vaj i palmës: tashmë shumë i përmendur për efektet e tij të dëmshme në shëndet, në lidhje me rrezikun e diabetit do të rriste rrezikun e rezistencës ndaj insulinës, e cila është faza e parë drejt zhvillimit të diabetit.