Nga momenti kur një grua sheh dy vija në testin e shtatzanisë, të cilat shënojnë një ndryshim thelbësor në jetën e saj, e çdo sekondë në vazhdim, gjithçka merr kuptim tjetër. Prioriteti i parë bëhet fëmija, bashkë me gjithë emocionet që përshkojnë një nënë nga frika, pasiguria, dëshpërimi, ankthi, përgjegjësia e dashuria e pakufizuar që kapërcen çdo gjë. Megjithatë, janë disa ndjenja që vetëm një nënë mund t’i provojë në lidhje me fëmijën e saj.
Frika dhe pasiguria që do të bëhet nënë
Vuajtja fizike dhe frika se çfarë mund t’i ndodhë fetusit gjatë rrugëtimit 9-mujor janë ndjenjat e para më të vështira me të cilat përballet një grua shtatzënë. Frika se nuk do të jetë në gjendje të përmbushë siç duhet rolin e nënës, dhimbjet që do të përjetojë gjatë lindjes dhe frika se do ta sjellë fëmijën në një botë të dhunshme e problematike janë dhimbje që vetëm një nënë mund t’i përjetojë. Ndonjëherë është e vështirë që nënat e reja të shprehen për këto emocione me të tjerët, pasi jo të gjithë mund t’i kuptojnë.
Frika e humbjes
Frika se diçka mund të ndodhë e të ndërpresë shtatzaninë është shumë shqetësuese për nënën. Në rastet e abortit spontan dhimbja është shumë e madhe, pavarësisht se nëna ende nuk e ka njohur fëmijën e saj, dashuria fillon që nga prania e fetusit në bark.
Frika për zgjedhjet e gabuara të fëmijës
Nënat kanë mundësi të bëjnë zgjedhje për fëmijët e t’i drejtojnë ata deri në një moshë, sepse teksa rriten, fëmijët jo gjithmonë binden. Për një nënë është shumë e vështirë të shohë se fëmija nuk ka bërë zgjedhjet e duhura dhe vuan pasojat e tyre.
Frika për zhgënjimin e dashurisë
Një nënë e përjeton shumë momentin kur fëmija i saj përballet me zhgëninjimin e parë në dashuri. Nënat do të donin të kishin një shkop magjik për të evituar këtë dhimbje të fëmijës, por në një moment apo në një tjetër kjo gjë do ndodhë. E vetmja gjë që mund të bëjnë ato është tu rrinë pranë fëmijëve e t’i mbështesin pa i bezdisur.
Dhimbja kur fëmija duhet të largohet nga familja
Vjen një moment që fëmijët kërkojnë pavarësinë e tyre dhe këtë gjë mund ta arrijnë vetëm duke krijuar një jetë të re, jashtë shtëpisë ku janë rritur, në një qytet të ri, shkollë të re, ose në një shtet tjetër. Kjo është diçka e trishtueshme për nënën, sidomos ditët e para, kur provon ndjesinë e “shtëpisë bosh”, pa fëmijën e saj.
Lexo edhe: Menyra se si ndryshon jeta juaj kur beheni me femije
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu