Në pjesën më të madhe të rasteve, dhimbjet e veshit zhduken vetë pa asnjë trajtim. Por nëse kjo nuk ndodh, ose nëse keni simptoma të tjera më të rënda, mund t’ju duhet të vizitoheni tek një mjek.

Shumica e njerëzve mendojnë se dhimbjet e veshëve ndodhin vetëm tek fëmijët, por gjithashtu mund të ndodhin tek të rriturit. Dhimbjet mund të prekin të dy veshët, por zakonisht ndodh vetëm tek një prej tyre.

Dhimbja në vesh mund të ketë shkaqe të shumta. Mund të jetë një shenjë e hershme e ftohjes, gripit ose infeksionit. Nëse keni infeksion, mund të shoqërohet me ethe dhe humbje të përkohshme të dëgjimit.

Dhimbjet e veshit tek foshnjat dhe fëmijët

Dhimbjet e veshit tek fëmijët e vegjël janë një nga arsyet më të zakonshme pse prindërit shkojnë te pediatri. Ekspertët vlerësojnë se 3 nga 4 foshnja preken nga infeksione të veshëve, kur sasia e lëngut në veshin e mesëm rritet dhe zhvillohet inflamacion, por diagnostikimi i shkakut të saktë mund të jetë sfidues.

Fëmijët dhe foshnjat që kanë infeksione veshi kanë tendencë të jenë të shqetësuar dhe të irrituar. Ata gjithashtu mund të qajnë dhe të tërheqin veshët. Shenjat e tjera përfshijnë probleme me gjumin, zgjim gjatë natës, ethe, ngathtësi dhe vështirësi dëgjimi. Shumë rrallë mund të rezultojë në humbjen e dëgjimit.

Dhimbja e përkohshme e veshit

Shumë njerëz përjetojnë dhimbje veshi dhe humbje të menjëhershme dëgjimi ose bllokim për shkak të ndryshimeve të papritura në presionin e ajrit, të tilla si udhëtimi në aeroplan ose hipja në ashensor. Kjo lloj dhimbje rralë sjell probleme të përhershme. Provoni ta kaloni duke përptyur çamçakëz ose duke u kapërcyer disa herë.

Dylli i tepërt që formohet në kanalin e veshit mund të shkaktojë presion dhe dhimbje.

Njerëzit që përjetojnë dhimbje të forta të veshëve të shoqëruar nga rrjedhje lëngu ose gjaku, mund të kenë çarje në pjesët e brendshme të veshit. Këto çarje mund të shkaktohen nga dëmtimet në zonën e kokës dhe qafës, ndryshimet në presionin e ajrit ose të ujit, infeksionet e veshit të brendshëm dhe më rrallë nga ekspozimi ndaj zhurmave të forta.

Dhimbja e veshit dhe problemet e tjera

Dhimbja kronike e veshit tek të rriturit gjithashtu mund të shoqërohet me probleme të tjera, duke përfshirë zhurma në vesh, që prekin rreth 1 në 5 njerëz.

Si të parandaloni dhimbjen e veshit?

Për të parandaluar dhimbjen e veshit, shmangni pirjen e duhanit dhe ekspozimin ndaj tymit të tij, shmangni pluhurat dhe polenin që mund të shkaktojnë alergji, zhurmat e forta dhe kur të notoni mbaroni veshët tuaj. Gjithmonë kushtojini kohë pastrimit të veshëve pasi keni notuar ose keni bërë dush.

Shkaqet e dhimbjes së veshit

• Infeksion;
• Ndryshimet në presionin e ajrit, për shembull kur fluturoni me avion;
• Një objekt i huaj në vesh;
• Probleme me fytin;
• Infeksioni i sinusit;
• Shampo ose ujë i ngecur në vesh;
• Përdorimi i shtupave të pambukut në vesh.

Shkaqet më pak të zakonshme përfshijnë:

• Artriti që ndikon në nofull;
• Dhëmb i infektuar;
• Aparat (tela) në dhëmbë;
• Ekzema në kanalin e veshit.

Simptomat e dhimbjes së veshit përfshijnë:

• Bebet janë të nxehtë dhe nervozë;
• Tërheqin ose fërkojnë veshët;
• Një temperaturë e lartë mbi 38 gradë Celsius;
• Ushqyerja e pakët te foshnjat, ose humbja e oreksit tek fëmijët;
• Problemet e gjumit dhe shqetësimi gjatë natës;
• Kollitje dhe rrufë;
• Vështirësi në dëgjim.

Trajtimi për dhimbjen e veshit

Trajtimi për dhimbjen e veshëve varet nga shkaku themelor. Mund të përdorni ilaçe të përshtatshme për moshën, siç është aspirina ose ibuprofeni për dhimbje dhe ethe. Trajtimi mund të përfshijë gjithashtu fasha të ngrohta, medikamente të tjera anti-inflamatore, antibiotikë oralë etj.

Megjithatë, është mjeku ai që e përcakton më qartë.

Lexo edhe: Ja perse foshnjat terheqin veshet