Gjatë trimestrit të tretë të shtatzanisë kafazi i kraharorit fillon të zgjerohet në mënyrë që të hapë më shumë vend për bebin që po rritet. Dhimbjet e brinjëve në këtë fazë janë të zakonshme dhe tregojnë se shtatzania juaj po ecën siç duhet.

Cilët janë shkaktarët e dhimbjes së brinjëve?

Janë disa faktorë që mund të shkaktojnë dhimbjen e brinjëve në shtatzani, disa prej tyre janë të listuar më poshtë.

1. Zgjerimi i mitrës bën që ajo të ushtrojë presion në kafazin e kraharorit duke ju shkaktuar dhimbje tek brinjët.
2. Dhimbja e brinjëve në shtatzani mund të shkaktohet edhe për shkak të rritjes së peshës dhe madhësisë së gjoksit. Pesha e shtuar ushtron më shumë presion mbi kafazin e kraharorit si dhe në shtyllën kurrizore duke ju shkaktuar dhimbje.
3. Dhimbja e brinjëve mund të shkaktohet edhe për shkak të ndryshimeve që i ndodhin muskujve tuaj në shtatzani. Me zgjerimin e kafazit të kraharorit muskujt tuaj detyrohen të tërhiqen në maksimum duke ushtruar presion tek brinjët, gjë që mund t’ju shkaktojë dhimbje.

Si të trajtojmë dhimbjet e brinjëve në shtatzani?

Dhimbja e brinjëve në shtatzani është shumë e bezdisshme sa mund t’ju lërë edhe pa gjumë. Nëse këni dhimbje kronike konsultohuni me mjekun tuaj për të marrë medikamentet e duhura. Por zakonisht mjafton të ndiqni disa udhëzime të thjeshta për ta limituar atë.

1. Mbani një qëndrim të mirë

Për të lehtësuar dhimbjen e brinjëve mjafton të mbani një qëndrim të mirë. Qëndroni drejt kur ecni dhe mos u kërrusni.  Ndërsa kur uleni mbajini krahët në një vend të ngritur në mënyrë që kafazi i kroharorit të qëndrojë lart dhe të mos ngjeshet pas mitrës.

2. Bëni stretching

Konsultohuni me doktorin tuaj përpara se të zhvilloni ndonjë ushtrim fizik, ndonëse ushtrimet stretching mund t’ju ndihmojnë në lehtësimin e dhimbjeve në shtatzani.

3. Qetësoni muskujt

Masazhi në pjesën abdominale dhe në shpinë mund të bëjë mrekullira për dhimbjet në shtatzani.

Lexoni dhe: Te vjellesh gjak ne shtatzani