Shkaqet për këtë problem janë antibiotikët dhe mungesa e vitaminës D. Për këtë arsye dhëmbët me njolla janë përhapur në të gjithë botën, veçanërisht tek fëmijët, me një mesatare prej 3% deri në 25%. Sidoqoftë, pak e dinë se cilat janë rreziqet që lidhen me atë që mund të duket thjesht si një problem estetik. Nëse nuk diagnostikohet në kohën e duhur, përkundrazi, hipomineralizimi mund të çojë në frakturë të smaltit të dhëmbit. Alarmi vjen nga Shoqata italiane e Stomatologjisë së fëmijëve.
Preken dhëmbët prerës dhe dhëmballët.
Më së shumti që në fëmijëri preken dhëmbët prerës, pra ata të përparmë dhe dhëmballët. “Është një pamje që shpesh e vërejmë sot, e karakterizuar nga një hipomineralizim i dhëmbëve. Ky është një defekt cilësor i smaltit që tenton të përkeqësohet me kalimin e kohës – shpjegojnë ekspertët -. Dhëmbët e hipomineralizuar shfaqen me njolla të verdha ose kafe, janë të ndjeshëm ndaj nxehtësisë dhe të ftohtit, gjatë manovrave të përtypjes dhe higjenës orale dhe, për shkak të porozitetit anormal të smaltit, ato mund të pësojnë dështime strukturore të zonave të prekura. Patologjia përfshin kryesisht dhëmballët e para që janë të përhershme dhe që shfaqen në moshën 6 vjeç.”. Sipas ekspertëve kjo gjendje është më e zakonshme tek fëmijët e lindur pas 2000.
Shumë shkaqe
Faktori gjenetik, mungesa e vitaminës D, problemet shëndetësore në 3 vitet e para të jetës, fluori i tepërt ose përdorimi i disa antibiotikëve. Ekzistojnë disa shkaqe që shkaktojnë demineralizimin e smaltit, substancën e fortë (e cila përbëhet kryesisht nga komponime të bazuara në kalcium) që mbulon sipërfaqen e jashtme të dhëmbëve. Problemi i kariesit po rritet gjithashtu, duke prekur 22% të fëmijëve 4-vjeç, 44% të 12-vjeç dhe mbi 60% të fëmijeve midis 13 dhe 18 vjeç.
Parandalimi është thelbësor
“Është thelbësore – paralajmërojnë ekspertët- diagnoza e hershme dhe identifikimi i atyre që janë në rrezik. Terapia ka për qëllim trajtimin e mbindjeshmërisë, parandalimin e kariesit, rregullimin e problemeve dentare, duke marrë parasysh që monitorimi i vazhdueshëm me kontrolle tremujore nuk duhet të shtyhet. Në fund, bindja e përhapur se është e padobishme të trajtohen dhëmbët e qumështit duhet të reduktohet, pasi përkundrazi trajtimi i dhëmbëve të qumështit ka një rëndësi të madhe për ritjen e harqeve të dhëmbëve si dhe për zhvillimin e gjuhës.
Lani dhëmbët pasi fëmija të ketë mbushur 6 muajsh
Ekspertët thonë se dhëmbët e fëmijëve duhet të lahen nga mosha gjashtë muajsh. Deri në moshën 6 vjeç, me produkte të posaçme, fëmijës duhet t’ia lani dhëmbët dy herë në ditë.
Për të lënë një koment ju duhet të jeni regjistruar Identifikohu