Dieta e fëmijëve duhet të përfshijë ushqime që nevojiten për t’i mbajtur ata në formë dhe të shëndetshëm. Një dietë e shëndetshme do të thotë një baraspeshim në proteina, karbohidrate, yndyrna, vitamina dhe kripëra minerale.
Grupet e ushqimeve më të shëndetshme për fëmijën janë:

Drithërat dhe patatet: buka, makaronat, orizi, drithërat që konsumohen për në mëngjes (zakonisht të shoqëruara me qumësht), qulli i tërshërës, biskotat e thata, patatet dhe patatet e ëmbla.

Vlerat: Janë ushqime të pasura me energji, me vitamina B, hekur dhe lëndë të tjera. Gjithashtu, shërbejnë për një tretje më të mirë.

Frutat dhe perimet

Vlerat: janë ushqime të pasura me shumë vitamina, kripëra minerale dhe lëndë të tjera ushqyese. Janë të rëndësishme për shëndetin dhe luftimin e sëmundjeve.

Ushqimet e pasura me kalcium: qumështi, qumështi i sojës (shumë i pasur me kalcium), djathi, kosi, peshku i konservuar me hala të ngrënshme (si për shembull sardelet), zarzavatet me gjethe jeshile të errët.

Vlerat: janë ushqime të pasura me kalcium, i cili ndihmon në krijimin e kockave dhe dhëmbëve të shëndetshëm.

Ushqimet e pasura me proteina: pula, mishi i gjelit, peshku, veza, bishtajoret, thjerrëzat, arrat dhe soja.

Vlerat: janë ushqime të pasura me proteina, si vitamina B, hekur dhe zink, të cilat janë të nevojshme për rritjen dhe zhvillimin e fëmijës.