A tregojnë flokët mirëqenie ose probleme të shëndetit tuaj? Jo gjithmonë është kështu. Ndonjëherë problemet e flokut lidhen me ato të shëndetit, por mund edhe të mos kenë lidhje me njëra-tjetrën.
Zbokthi i bardhë
Zbokthi i bardhë nuk paraqet rrezik për shëndetin. Ai nuk është ngjitës, por mjekët ende nuk kanë gjetur shkaktarin e tij. Megjthatë mund të lidhet me faktorë si lëkura e yndyrshme, obeziteti, stresi, moti i ftohtë etj. Për ta luftuar mund të përdorni shampo antizbokth.
Zbokthi i verdhë
Nëse zbokthi është i yndyrshëm dhe me ngjyrë të verdhë kjo tregon për një gjendje inflamatore të lëkurës, e cila shkaktohet nga sasia e lartë e yndyrës. Megjithëse ky problem është i lidhur me hormonet, gjithsesi mund të trajtohet sërish me shampo antizbokth.
Rënia e flokëve
Nuk është e përcaktuar saktë, por mesatarisht tek çdo njeri bien 100 fije floku në ditë. Kjo nuk është shqetësuese, pasi flokët që bien zëvendësohen në 90% me flokë të rinj.
Gjendja e telogjenit
Kjo është një gjendje pushimi e shkaktuar nga një gjendje jo e mirë shëndetësore si probleme me tiroiden, ndërhyrje kirurgjikale, vaksinimi, ilaçet, humbja në peshë, stresi, lindja. Pas një gjendjeje pushimi që mund të zgjasë dy muaj, ju mund të përballeni me rënie msaive të flokëve, por mos u shqetësoni sepse ato do të zëvendësohen.
Rënia e flokëve në zona të caktuara
Mund të ndodhë që flokët tuaj të bien në zona të caktuara, duke mbetur tullac në këto zona. Kur kjo gjë ndodh vende-vende mund të trajtohet lehtësisht me injeksione, por kur ndodh në sipërfaqen e gjithë kokës duhet të konsultoheni me një mjek. Përgjithësisht nuk është diçka shqetësuese për shëndetin, por mund të përjetohet keq psikologjikisht.
Flokët dhe dielli
Duhet të shmangni rrezet e forta të diellit sepse kanë ndikim negativ te flokët tuaj, duke i tharë ato . Kjo ndodh më shumë tek flokët në ngjyrë gri ose me nuanca të bjondes. Produktet e kujdesit të flokëve duhet t’ju sigurojnë patjetër edhe mbrojtje nga dielli.
Flokët dhe ushqyerja
Mënyra si hani reflektohet në flokët tuaj. Nëse ata nuk kanë shkëlqim e janë të dobët, kjo tregon se keni nevojë për më shumë proteina, hekur, omega 3, zink dhe vitaminë A.
Flokë të shëndetshëm, zemër e shëndetshme
Shumë ushqime që bëjnë mirë për flokët, bëjnë gjithashtu shumë mirë edhe për zemrën. Pra nëse konusmoni salmon, arra, karota, spinaq do të keni rezultat pozitiv të dyfishtë.
Thinjat dhe gjenetika
Thinjat jo gjithmonë lidhen me moshën. Ato mund të dalin edhe në moshë fare të re nëse kjo gjë ka ndodhur më herët me parardhësit tuaj.
Shtrëngimi i flokëve
Nëse i shtrëngoni flokët fort me llastik kjo gjë do t’i dëmtojë ata. Flokët do të këputen, ose do të bien.
Modelet e flokëve
Nëse i stiloni shumë shpesh flokët, përdorni tharëse, pjastër, bojëra, etj mund të shkaktoni tharje të tyre.
Ilaçet dhe flokët
Ka disa medikamente që shkaktojnë dëmtim të flokëve si ilaçet që përdoren për uljen e kolesterolit, kundër depresionit, ilaçet në menopauzë, anti-inflamatorët dhe antibiotikët. Zakonisht flokët e rimarrin veten kur ndërpritet përdorimi i ilaçeve.
Lexo edhe: Si te kujdesemi per floket pas lindjes?
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu