Të kuptuarit se fëmija juaj është viktimë e bullizmit është dicka jo e këndëshme, madje mund të themi se është diçka e dhimbshme. Është shumë normale që një prind të ndiejë inat, konfuzion dhe ndjenja faji. Duke qënë se fëmija mund të mundohet të fshehë atë që i ndodh si edhe ndjenjat e tij, ju duhet të kuptoni atë çfarë ndodh nëpërmjet të kuptuarit të disa shenjave:

• Fëmija refuzon të shkojë në shkollë;
• Fëmija kthehet në shtëpi me shenja në trup apo rroba të dëmtuara;
• Fëmija nuk ka më me vete një prej objekteve të preferuara që mori në shkollë;
• Fëmija nuk shoqërohet më me shoket e mëparshëm;
• Fëmija në disa raste paraqitet nervoz dhe në disa raste shumë i heshtur;
• Vini re se fëmija ka sjellje agresive ndaj motrës/vëllait të tij;
• Fëmija juaj nuk dëshiron të dalë jashtë shtëpisë;
• Vihet re një ecuri jo e mirë e fëmijës në shkollë;
• Fëmija ka kriza pagjumësie dhe ankthi.

Nëse fëmija është i vogël mund ta kuptoni duke i bërë pyetjet:

• Çfarë aktivitetesh ka bërë në shkollë gjatë ditës?
• Kanë bërë ndonjë aktivitet që i ka pëlqyer?
• Kanë bërë diçka që nuk i ka pëlqyer?
• Me kë ka luajtur?
• Çfarë lojërash kanë bërë? A është kënaqur?